Skip to main content

Assit: Iluliarmiut NÛK kuultimik arsaaraat

Arnat futsalimik pissartanngorniummata unamminerit kingulliit pissanganarlutillu aliikkutaavissorput

Pissartanngorniutivinnermi NÛK I-69-ilu naapipput. Tassani NÛK aallartilluaqaaq siusissukkut isertitsigami. Piareersarluarsimallutillu arsarluaqaat I-69-ilu ajornartorsiortilaavissorlugu. Muminnginnermi NÛK periarfissarpassuaqaraluartoq unikkallarnermi 1-0-imik siuaqqavoq. 

NÛK-p arsartua, Aili Pedersen, holdimi isertitaqarnerpaasoq, unamminerut siuliani semifinalimi ajoquserpoq finalimilu ilaanani. Arsaqataasa maqaaserpasippaat. Tassami NÛK periarfissarpassuaqaraluarpoq, I-69-illi måliniittuata, arsarluaqisup, itigartittuarpai. NÛK isertitseriartarnermini Aili Pedersen amigaatigaat. 

Mumereernermi I-69 ajugaaniarluni arsaaffimmut iserpoq arsarnerlu aqulerlugu. Sakkortupput piareersarluarsimallutillu. Tamaviaarlutik arsalerilluarlutillu pingasoraarput, illersuinerminnilu inissisimalluarlutik. Holdit taakku marluk naligeeqaat. Taamaakkaluartoq I-69-i piumanerulaarpoq gultinnallunilu, NÛK sølvinnattoq. 

B-67 Bronzinnattut
K-33 Qaqortumeersoq B-67-lu bronzinnanniunnermi naapipput. Unammineq taanna pissanganarluinnarpoq isiginnaarianillu tiguaalaavissorluni. Unammisut tamarmik sakkortupput sukataarlutillu. B-67 siuajaarpoq muminnissallu tungaanut isertitsiffigineqarani. 

K-33 periarfissarpassuaqaraluarpoq, B-67-ili piareersimalluarpoq akiuulluaqalunilu, måliniittuat immikkut maluguniarnarpoq arsarluarmat. K-33 isertitsimmat naligiileraluarput, B-67-ili akipallappoq siuaqqillunilu. Unammineq naammassimmat B-67 pingasoraaqqavoq K-33 ataaseraaqqasoq. Taamaasilluni B-67 bronzinnappoq. Holdit taakku marluk naligiikkaluaqisut B-67 piumanerulaarpoq.

Takutitsilluartut: 

  • Apollonie Kreutzmann, B-67, arsarluarnerpaatut fighter-itullu toqqagaavoq. 
  • Laila Platou, NÛK, arsalerillaqqinnerpaatut toqqagaavoq. 
  • Maannguaq Kristiansen, I-69, fairplayer-itut toqqagaavoq. 

Inernerit allat: 

  • 5. Disco-76, Qeqertarsuaq. 
  • 6. ATA, Tasiilaq. 
  • 7. UB-68, Uummannaq. 
  • 8. S-68, Sisimiut. 
  • 9. Nagtoralik, Paamiut. 
  • 10. UB-83, Upernavik.  

Assit ataani takukkit

 

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER