tusarnaartitsineq
Assit: Iggiarluttumik immikkuullarissumillu Sisimiuni tusarnaartitsineq
Mongoliap qiterpasissuanit Sisimiormiut nipilersortartumik tikeraartoqarput
Immikkuullarissumik nipilersortartoq Hugjilto Mongoliameersoq Sisimiuni inuusuttunut isumassanik tunniussillunilu tusarnaartitsivoq. Taassuma nipilersuutigaa mongoliamiut morin khuur torlussortarlunilu. Kulturip illorsua Katuaq aamma tikeraarneqassaaq.
Aatsaat kalaallit Hugjilto, Sisimiuni gymnasiami aamma sungiusaasimasoq, naapilinngilaat. Tassami Rasmus Lyberth Københavnimi Christians Kirkenimi juullimut tusarnaartitsinerani 2011-mi aamma peqataavoq.
Maanna Hugjilto Sisimiuneeqqammerpoq ilaatigut gymnasiami ilinniartut sungiusarsimallugit. Aammas Minngortuunnguup Atuarfiani 10 klasset pulaarpai kingornalu Knud Rasmussenip Højskolia pulaarlugu.
Mongoliamioq eqqumiitsuliortoq taanna arfininngornermi unnukkut Sisimiuni kulturip illorsuani Taseralimmi tusarnaartitsivoq immikkuullarissumik nipilersornera inuppassuarnit soqutigineqarluni.
Nunaqarfik Sarfannguit aamma tikeraatsiarpaa aammalu Nuummi kultip illorsuani Katuami marlunngornermi unnukkut tusarnaartitsissalluni. Tassanngaanniit Tasiilamut ingerlaqqissaaq timersortarfimmi tusarnaartitsiumaarluni.
Hugjiltop Nunatsinni angalanera Sisimiuni kulturip illorsuata Taseraliup aaqqissuussaraa Nuna Fonden, Tips og Lotto midlerne, Lion’s Club Sisimiut, Royal Arctic Line, Qeqqata Kommunia, Gymnasiet i Sisimiut aamma Sisimiut Sømandshjem aningaasaliisoralugit.