Skip to main content

Assit: Filmfestivali Greenland Eyes aallartilluarpoq

Greenland Eyes International Film Festival 2014 kulturikkut illorsuarmi Katuami Nuummi sisamanngormat aallartinneqarpoq - assilisat siulliit takukkit

Greenland Eyes International Film Festival 2014-ip ammarneqarnerani aaqqissuisup Ivalo Frankip Katuami oqalugiarnermini oqaatigisaasa ilagaat saammaasseqatigiittoqrnissaa arlaleriarluni sammineqartassasoq. 

Kalaallit Nunaata kulturikkut atugaasa qanoq isikkoqarnerat filmitigut takutinneqartut Katuap pisortaata Julia Parsip ilaatigut oqaatigaa. 

Festivalertoqarnerani filmi 'Nâlagkersuissut okarput tássagôk' takutinneqarpoq. Aqqaluk Lynge filmimut ilitsersuisooqataavoq. Filmimi Qullissat 1972-mi matuneqarnerat sammineqarpoq. Filmip takutinneratigut eqqarsalersitsivoq sooq ukiut 40-t qaangiunneranni sooq aatsaat saammaasseqatigiinnissaq eqqarsaatigineqalersimanersoq. 

Isiginnittariaatsit assigiinngitsut
Inuiaqatigiinni 1979 tikinnagu inunngorsimasut inuiaqatigiinni inuusunnerusunit namminersornerulerneq misigissutitigut annikinnerusumik misigisarpaat. Filmi tulliattut Inuk Silis Høeghip sanaava 'Sooq akersuuttugut' takutinneqarpoq. 

Inuk Silis Høeghip filmiliaani ersersinneqarpoq kikkut inuiaqatigiinni eqqorneqarsimasutut misigisimanersut.

Avannaamioqatigiit
Greenland Eyes-filmfestival Berlinimi 2012-mi ingerlanneqarpoq. Iluatsilluartumik ingerlanneqarpoq, aalajangiunneqarporlu nunani avannarliunerusuni festivali ingerlanneqartalissasoq. Greenland Eyes Festivali Nuummi qaammatini sisamani ingerlanneqassaaq. 

- Kalaallit Nunaata siuariartorsimanera Berlinimi festivalertoqarnerani paasiuminaatsippaat, taamaattumillu festivalertoqarnerata takutissavaa piffissaq avatangiisillu qanoq siuariarsimanerat, Ivalo Frank Sermitsiaq.AG-mut oqarpoq. 

Filmfestivalip aallartilluarnera nuannaarutigineqarpoq.

Sermitsiaq.AGp filmfestivalimik malinnaasoq Klaus Georg Hansen suleqatigalugu allaaserisaq allanneqarpoq

Assit ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER