Skip to main content

Assit: Filmfestivalertoqarnerani inuusuttut pillugit takutitsisoqartoq

Greenland Eyes Film Festivali Nuummi ingerlanneqartumi inuusuttut pillugit takutitsisoqarpoq sapaatiummat

Piviusulersaarummik oqaluttuamillu Greenland Eyes Film Festivalimi Nuummi ingerlanneqartumi sapaatiummat takutitsisoqarpoq. Inuusuttut aalajangersimasut nukittuullu takutinneqarput.

Tove Maurtvedtip piviusulersaarutaani 'Nuuk Nuann'-imi 2011-meersumi  Esther Marie Hansenip inuunera sammineqarpoq. Tassani eqqarsaatit inuuneralu takutinneqarlutik. Piviusulersaarut naammassimmat  Esther Marie Hansen oqaluttarfimmit oqaluttuaraa filmiliortilluni qanoq innersoq. 

'Green Land' aamma takutinneqarpoq, tassani kujataaneersut inuusuttut tallimat pineqarput. Inuunerat silaannaallu allanngoriartornera sammineqarput. Filmi Aka Hansenimit sananeqarpoq. 

Uuliasiornissaq
'Greenand Year Zero' piviusulersaarusiaavoq Anders Graverimit Niels Bjørnimillu suliarineqartoq, tassani inuusuttut ilinniagaqarusunnerat siunissamilu suliffeqarusunnerat takutitassiami sammineqarluni. 

Aamma Aasianni 2010-mi uuliasiornissamik eqqarsartoqalernera sammineqarpoq, tassani aningaasarsiupallassinnaanerit iserfigineqarlutik. 

'Inuk' sikulu
Isiginnaagassiaq 'Inuk' Katuami takutinneqarmat issiaviit tamarmik ulikkaaqqapput. Filmi nunarsuarmi assigiinngitsuni akissarsitinneqareerpoq. 

1930-kkunni Kalaallit Nunaat pillugu aamma filmertitsisoqarpoq, tassani tyskit filmiliaat 'SOS Iceberg' takutinneqarluni. Filmip piviusunngornissaanut Knud Rasmussen suleqataavoq. 

Filmi aggustimi 1933-mi takutinneqaqqaarmat ilaatigut Adolf Hitler isiginnaaqataavoq. 

Greenland Eyes Film Festivali Nuummi ingerlanneqartumi malinnaasoq Klaus Georg Hansen suleqatigalugu allaaserisaq saqqummiunneqarpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER