kunngikkormiut
Assit: Dronningi Ittoqqortoormiinut tikippoq
Dronning Margrethe Ittoqqortoormiinut tikimmat inuppassuarnit tikilluaqquneqarpoq
![Naalakkersuisut siulittaasuannit Kim Kielsenimit dronning Margrethe angalaqatigineqarpoq Mariano VasquezIttoqqortoormiini innuttaasunut dronning Margrethe ilassinnittoq Mariano VasquezDronning Margrethe Ittoqqortoormiuniittoq Mariano VasquezNaalakkersuisut siulittaasuannit Kim Kielsenimit dronning Margrethe angalaqatigineqarpoq Mariano VasquezIttoqqortoormiini innuttaasunut dronning Margrethe ilassinnittoq Mariano VasquezDronning Margrethe Ittoqqortoormiuniittoq Mariano VasquezNaalakkersuisut siulittaasuannit Kim Kielsenimit dronning Margrethe angalaqatigineqarpoq Mariano Vasquez Dronningen i Ittoqqortoormiit](https://image.sermitsiaq.ag/278942.webp?imageId=278942&width=960&height=518&format=jpg)
Dronning Margrethe aamma Naalakkersuisut siulittaasuat Siumumeersoq Kim Kielsen Ittoqqortoormiiniipput. Dronningip Kalaallit Nunaannut angalanermini Ittoqqortoormiit tikeraaqqaarpaa.
Piffissaq naapertorlugu dronning Margrethe nalunaaqutaq 13.30 tikippoq. Naak sila siallilaaraluartoq inupassuarnit tikilluaqquneqarpoq. Kommunalbestyrelsimi ilaasortanit Charlotte Pikemit aamma Erling Madsenimit tikilluaqquneqarpoq.
Pulaarfissat
Utoqqaat illuannut meeqqallu paarinnittarfiannut Paarsisor-mut dronningi pulaarpoq, tassani meerarpassuarnit tikilluaqquneqarluni. Illoqarfimmi kaffillertoqarnerani najuutissaaq, tassani aliikkusersuisoqarlunilu illoqarfiup tunissutaa tigussavaa.
Daneborg Station aamma dronningip pulaassavaa.
Dronning Margrethe Nunatsinnut ippassaq tikippoq, Station Nord aamma Villum Research Station tikippai.
Assit ataani takukkit