Skip to main content

Assit: Avannaata Qimussersua quianartunngorlugu

Quiasaarisartut Piitannguaq Alaufesen aamma Maalia Mathiassenip Ilulissani kulturip illorsuani Sermermiuni aliikkusersuinerat nuannarineqaqaaq

Ulluni makkunani pisut quinartunngorlugit quiasaarisartut Piitannguaq Alaufesen aamma Maalia Mathiassen Ilulissani aliikkusersuipput. Nipilersortartoq Jonas Fleischer akunniliilluni erinnanik atuisarpoq.

’Quiasutta’ (akilinermiutoorlugu nuannisarta). Taanna qulequtsiullugu aliikkusersuineq inunnit 380-it missaanniittunit arfininngormat isiginnaarneqarpoq. Kulturip illorsuani issiaviit 190-ummata takujumaneqaqimmallu aliikkusersuineq ulloq taanna marloriarluni takutinneqarpoq tamatigullu isissutissat nungunneqartarlutik.

Qimussimik sukkaniunnilersaarluni Piitannguaq Alaufesenip oqaluttuartuusaarnera nuannarineqavippoq. Anguterpaloqaluni oqaluttuarpoq sukkaniuffimmi sisuffissaq kingullermut apuunnermi normu 4-raangaluarluni. Akinnakkulli perlataarluni katataasimavoq taamaniligooq arnarpaluttorujunngorpoq.

Arnat ulluat
- Quiarnartorujussuarmik pissusilersorlu oqaluttuarmat inuit nilliaasaannaq illarput, kulturip illorsuaniit Jonas Fleischer Sermitsiaq.AG-mut oqaluttuarpoq.

Arfininngormat nunarsuaq tamakkerlugu arnat ulloraat. Taamaammat Maalia Mathiassen sakkutuutut taqissungajalluni scenemut iserpoq – sorsunnissamunngooq piareersimagami.

Zumbamik aamma takutitsisoqarpoq ilaartuusaarlugillu uniuerpalaartumik pissusilersorluni Maalia Mathiassen ilaarsivoq inunnik assut illartitsisumik.

- Aliikkusersuinerup Ilulissani takuteqqinneqarsinnaanera maanna misissorparput. Aamma nuannissagaluarpoq illoqarfinni allani takutinneqarsinnaasuuguni, Jonas Fleischer oqarpoq.

Maalia Mathiassen aamma Piitannguaq Alaufesen siusinnerusukkut Nuummi kulturip illorsuani Katuami takutitseqatigiinnikuupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER