Nuuk

Assit: Atuarfeqarneq pillugu aalajangerneqartoq tusarniaassutigineqaqqissaaq

Ataatsimiititami siulittaasup atuarfeqarnermut pilersaarut pillugu angajoqqaat uparuaataat tusaatissatut tiguai tusarniuteqarnerlu annertusillugu

Atuarfik Samuel Kleinschmidtimi Nuummi ataatsimiinneq
Isornartorsiuisoqarnera Kommuneqarfik Sermersuumit tusaaneqarpoq
Angajoqqaat 20-t missaanniittut peqataapput
Anda Uldum
Angajoqqaat 20-t missaanniittut peqataapput Kommuneqarfik SermersooqAnda Uldum Kommuneqarfik SermersooqAtuarfik Samuel Kleinschmidtimi Nuummi ataatsimiinneq Kommuneqarfik SermersooqIsornartorsiuisoqarnera Kommuneqarfik Sermersuumit tusaaneqarpoq Kommuneqarfik SermersooqAngajoqqaat 20-t missaanniittut peqataapput Kommuneqarfik SermersooqAnda Uldum Kommuneqarfik SermersooqAtuarfik Samuel Kleinschmidtimi Nuummi ataatsimiinneq Kommuneqarfik SermersooqIsornartorsiuisoqarnera Kommuneqarfik Sermersuumit tusaaneqarpoq Kommuneqarfik Sermersooq

Atuarfeqarnermut pilersaarut pillugu kingumut ataatsimiigiaqquseqqittoqassaaq.

Taamatut neriorsuivoq, Meeqqanut, Ilaqutariinnut Atuarfeqarnermullu Ataatsimiititami siulittaasoq Anda Uldum, Atuarfik Samuel Kleinschmidtimi ippassaq tusarniaanermut atatillugu ataatsimiititsisoqarnerani.

Angajoqqaammi 20-t missaaniittut takkussimasut isumaqarput, pilersaarummut tunngatillugu aalajangiinissamut tusarniummi atortut siunissami atuartitseriaasissamut tunngasumik naammattumik paasissutissartaqanngitsut.

Atuarfeqarnermut pilersaarummi, siunissami atuarfinnik sanaartortoqarnissaanut pilersaarutaasumi siunniunneqarpoq, Nuummi atuarfiit agguataarneqarneri imaalineqassasut, atuartut minnerit atuartullu angajulliit immikkoortillugit, angajoqqaallu misigisimapput tassunga tunngasumik naammattumik paasitinneqarsimanatik.

Tassunga isornartorsiuineq Anda Uldumip isumaqatigaa.

- Siunissami atuarfimmut tunngasumik angajoqqaat aalajangeeqqugutsigit, soorunami pisariaqartutigut paasissutissiivigineqartariaqarput, Kommuneqarfik Sermersuumit tusagassiutinut nalunaarummi Anda Uldum oqarpoq.

Meeqqanut, Ilaqutariinnut Atuarfeqarnermullu Ingerlatsiviup tusarniuteqarnerup ingerlanissaa nutaamik pilersaarusiuleruttorpaa. Sapinngisamik piaartumik tamanut saqqummiunneqassaaq.

Atuarfeqarnermut pilersaarut naak isornartorsiorneqangaatsiaraluartoq, najuuttut ilaata Kommuneqafik Sermersooq isornartorsiutinut tusaaniarnera pillugu nersualaarivoq.

Assit ataani takukkit

Powered by Labrador CMS