Skip to main content

Assit: Atsioqatigiinneq oqaluttuarisaanermut pingaarutilik

Kommuneqarfik Sermersooq, Naalakkersuisut kiisalu aatsitassarsioqatigiit True North Gems rubininik piiaanissamik isumaqatigiissuteqartut

Qeqertarsuatsiaani rubininik piiaanissami nunaqavissunik aamma sulisoqarnissaa atsioqatigiissutigineqarpoq. Piumasaqaatit naapertorlugit, aatsitassarsiorfimmi sulisut sulinerup nalaani sapinngisamik kallaallit nerisassaataannik nerisaqarsinnaanissaat ilaatigut isumaqatigiissutigineqarpoq. IBA-mik isumaqatigiissusiorneq Kalaallit Nunaanni siullersaalluni atsiorneqarpoq. 

True North  Gemsimi pisortaq Bent Olsvig Jensen, Aatsitassaqarnermut Naalakkersuisoq Jens Erik Kirkegaard aamma Kommuneqafik Sermersuumi Borgmesteri Asii Chemnitz Narup isumaqatigiissummik atsioriartorlutik Qeqertarsuatsiaanukarput. 

Atsioqatigiinnermi innuttaasut qaaqquneqarput, Qeqertarsuatsiaap katersortarfiani atsioqatigiinneq ingerlanneqarluni. 

Nunaqarfik maligassiuisoq
- Qeqertarsuatsiaat Kalaallit Nunaata oqaluttuarisaanerani pingaarutilimmik inissisimavoq. Aalisakkanik tunitsivik siullerpaaq tassani pilersinneqarsimavoq, Kommuneqarfik Sermersuumi borgmesterip Asii Chemnitz Narup kingumut qiviarpoq, Kalaallit Nunaat piniartoqarfimmit aalisartoqarfimmut ikaarsaarmat aamma Qeqertarsuatsiaat siulliusimasoq oqaatigalugu. 

- Ineriartornermi tassani ukiuni qulikkaani Kalaallit Nunaannut pisuunngortitseqataasumut siulisi siuuttuusimapput. Ullumikkut periarfissat assingusut periarfissaraasi. Siuuttuullusi nunatta sinneranut – nunarsuup sinneranut - takutissinnaavarsi, nunap iluani ujaqqat erlinnartuutit kisimik naassaassaanngistut, aammali atugarissaarneq inuunermilu nalillit nassaassaasut, atsioqatigiinnermi Asii Chemnitz Narup oqarpoq. 

Isumaqatigiissummi naqissuserneqarpoq, ukiup ataatsip qaangiunnerani aatsitassarsiorfimmi sulisut 80 procentii najugaqavissuussasut. 

- Kommune isumaqatiginninniarnermini isumaqatigiissuummik pitsassuarmik angusaqarsimavoq, tassuunakkullu Qeqertarsuatsiaat ineriartornissamut periarfissagissaalerluni, Qeqertarsuatsiaani aqutsisut siulittaasuat Jonathan Jacobsen oqarpoq. 

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER