assammik arsarnermi GM

Assit: Assammik arsarnermi GM-mi GSS soriagassaanngilaq

Assammik arsarnermi inersimasut pissartanngorniunneranni GSS ukiut tallimassaa tulleriisillugu pissartanngorpoq. Assit angusallu takukkit

Andreas Lorentzen GSS-meersoq finalemi appakkaakkaluttualersoq Leiff JosefsenNuka Heilmann GSS-meersoq aamma Milan Olsen Nagdlúnguameersoq arsamut pilerngupput Leiff JosefsenLars Ole Lyberth GSS-meersoq isertitseriartoq Leiff JosefsenLars Møller Nagdlúnguameersoq titarnerup killinganut tunniusseriartoq Leiff JosefsenAnders Cortzen Nagdlúnguameersoq isertitsivoq Leiff JosefsenNagdlúnguup sungiusaasua Kasper Thorleifsen finalemi mianersoqqussummik nittaavigineqarpoq Leiff JosefsenEqalunnguaq Kristiansen GSS-miit isertitsivoq Leiff JosefsenNuka Heilmannip GSS-meersup titarnerup killinganiittoq Eqalunnguaq Kristiansen tuneriarpaa Leiff JosefsenFinalemi Nagdlúnguak timeout-erpoq Leiff JosefsenBent Johsen Nagdlúnguameersoq finalemi arfineq marloriarluni isertitsivoq Leiff Josefsen

Leiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff JosefsenLeiff Josefsen

Noah Mølgaard

ataasinng 07. apr 2014 10:10

Annonse

Assammik arsarnermi GM-rtoqarnerani sapaammi naammassisumi GSS Nuummeersoq angutini soriagassaanngiusavippoq. Finalemi GSS Nagdlúnguamut Ilulissaneersumut 39-28-mik ajugaavoq numinnermi 20-12-mik siuaqqareerluni taamalu ukiut tallimassaa tulleriit pissartaalluni.

Atuaruk: GSS marloriaammik pissartanngorpoq

Sapaammi finalemi GSSip pitsaanerunini erngerluni malunnarsisippaa sukkasuumik arsarluni aammalu assersuinermi saassussinermi iligiittut suleqatigiilluarnikkut tamannalu unammersuarnerit ingerlaneranni ilisarnaatigilluarsimavaat.

GSSmi arsartut agguaqatigiissillugu 22-it sinnilaarlugit ukioqarput arsartullu amerlanerit meeraanerminniit GSS-mi assammik arsartartuupput.

- GSS-ip ingerlalluarnera ukiorpassuit ingerlaneranni suliniarluarnikkut tunngavilerneqarnikuuvoq. Kristian Heilmann aamma Rita Egede suliarujussuarmik naammassisaqarnikuupput tamannalu klubbip ingerlalluarneranut tunngaviliisuuvoq, GSS-ip angutitaani sungiusaasoq Ingi Olsen Sermitsiaq.AG-mut oqarpoq.

Isuani arsartartoq Miilu Rosing aamma Andreas Lorentzen iligiinni kisiartaapput meeraanerminni GSS-mi arsartarsimanngitsut. Arsartut amerlanerit Nuummi ilinniagaqarput taamaattumik ukiuni aggersuni suli arsaqatigiittarnissaat ilimanarluarpoq.

Bronzennanniunneq pissanganartoq
- GSS-mi suli meeqqat inuusuttuaqqallu pitsaasumik suliniarfigineqarput taamaasillunilu ukiut arlallit qaangiuppata inersimasuni unammisartuulerumaartussanik imminnut pilersorluarlutik, Ingi Olsen oqarpoq.

NÛK angutini bronzennappoq tassani unamminermi SAK Sisimiuneersoq 23-18-mik ajugaaffigalugu unamminerullu ilarujussua SAK akiuulluarpoq. Muminnermi 9-9-mik naligiipput minutsillu qulit kingulliit aatsaat NÛK aalajangiisumik siuarpoq.

Aajuku sapaammi angusat:
QNQ – Norsaq HC (angutit) normu 5-nngorniunneq 27-31 (11-15)
SAK – Nagdlúnguak (arnat) bronzennanniunneq 47-19 (22-14)
SAK – NÛK (angutit) bronzennanniunneq 23-18 (9-9)
GSS – NÛK (arnat) finale 20-17 (10-11)
GSS – Nagdlúnguak (angutit) finale 39-28 (20-12)

Assammik arsarnermi GM-mi allaaserisat uani atuakkit

timersoneq assit