geomagnetiskimik anorersuaq
Assit: Arsarnerit nalissaqanngitsut
Sisamanngormat unnukkut arsarnerit alutorsartitsipput, tamannalu geomagnetiskimik anorersuarneranik pissuteqarpoq
Nuummi ulloq naallugu qulisimareerluni sisamanngormat unnukkut allaaqqissiartulerpoq. Ukiullu taamaalinerani takuneqakulasartutut arsarneqarpoq. Tamatumuunali arsarnerit illoqarfiit pingaarnersaanni nalinginnaasumik takusartakkanit alutornarnerujussuupput.
Marlunngormat seqineq annertunerusumik aniatitsivoq, AR 1967-imik taaneqartumik, tamannalu akuttunngitsumik pisarpoq. Pisoq taanna ukioq manna manna tikillugu nunarsuarmi anorersuarmik geomagnetiskimik annerpaamik pilersitsivoq, taamaasillunilu arsarnerit nalinginnaasumit anginerupput.
Aliikkutaralugu assiliisartup Toke Brødsgaardip unnukkut aneerluni arsarnerit takulerpai tuaviinnarlu assiliivini aallugu, assillu uani takusinnaasatit assilivai. Toke-p arsarnerit assilissallugit nuannarai, isumaqarporli taama qalipaatigissaartigisut siusinnerusukkut takusimanagit.
Sisamanngormat februaarip 27-anni unnukkut arsarnerit misigaagit assilivigillu? Taamaassimappat assit uunga nassiutikkit redaktion@sermitsiaq.ag - taava ulluni qaninnerpaani assit kusanarnerpaat takutittassavagut. Assiliisup aqqa assillu qanga assilineqarsimanersut allakkit. Aammalu illoqarfimmi nunaqarfimmiluunniit sumi pisimanersut.