Skip to main content

Assit: Anorthosimik piiaasoqarnissaa sulissutigineqarli

Sap.ak. kingullermi Qeqqata Kommuniani nunaqarfiit illoqarfiillu aqqusaarlugit innuttaasunik ataatsimiisitsinerit ingerlanneqaqqammerput

Sapaatiummat Aatsitassalerinermik ilinniarfimmi Qaqortorsuarmi anorthosit-imik piiaanissaq Hudson Resources-ikkut qinnutigisaat pillugu naggammik Qeqqata Kommuniani innuttaasunik ataatsimiisitsineq ingerlanneqarpoq. 

Peqataasut 40-niit ikinnerunngitsut soqutiginnilluarlutik apeqqutissaaleqinatillu peqataapput. 

Qeqqata Kommuniani borgmesteri Hermann Berthelsen tikilluaqqusisuuvoq, tulliullutillu Inuutissarsiornermut, Suliffeqarnermut, Niuernermut Nunanullu allanut naalakkersuisoq Vittus Qujaukitsoq, aamma Avatangiisinut, Pinngortitamut, Inatsisillu Atuutsitsinermut Naalakkersuisoq Mala Høy Kúko assigiinngitsunik suliffissaaleqineq aningaasaqarneq, piiaaffissallu Qaqortorsuup siunissami 
kalaallinut sunniutigisinnaasai oqaaseqarfigaat. 

Pikkunaatsoq pisariitsoq
Piiaanissamut soqutiginnittut qinnuteqartullu Hudson Resources Inc. piiagassap qanoq pisariitsiginera aammalu annertuumik mingutsitsinngitsumik suliarineqarsinnaanera saqqummiuppaa, oqarlutik naviananngingaarmat pikkunaatsuuvoq pisariitsuullunili anigaasatigut suliffissaqartitsiniarnikkullu iluaqutaalluarsinnaasoq.  

Naatsorsuutigaat minnerpaamik ukiuni 20-ni atasinnaassasoq, nunaqavissunillu sulisoqarluarnissaa siunniuteqqavaat soorluttaaq isumannaallisaanikkut, paasititsiniaanikkut ilinniartitsinikkullu kalaallisut danskisullu ingerlanneqartarnissaat aaliangiusimagaat. Piiaaffigineqartussap eqqaani umiarsualiviornissaq, 10 km-imillu isorartutigisoq aqqusinniornissaq naatsorsuutigaat. Piiagassaq pujoralatsitsinnginnissaa anguniarlugu katersukkat tatsimut katersorneqartassapput. 

Avatangiisinut sunniutigisinnaasai
Pitsaaqutaasuinnaalli kisimik taakkartorneqanngillat. Uumasunik soorlu tuttut umimmaat, puisit, arferillu avaqqukkuminaatsumik annerusumk minnerusumillu piiaaffimmiinngaanniit sunnertinneqartussaapput. Soorlu naatsorsuutigineqartoq piiaaffiup 5 km. iluani nipiliorfiulluni uumasunik sunniuteqarsinaasoq saqqummiuppaat. Taamaattorli tuttoqarfiit piiaaffiup avataaniinnerusartut paasissutissanik paasiniaareerlutik maluginiarneqarsimapput. 

Apeqqutit akissutisipput
Peqataasut piaasoqarnissaanut assigiinngitsunik apeqqutinik piiaasussanut naalakkersuisunullu apeqquteqartarput. Soorlu nunaqavissut qulakkeeqqasumik sulilernissaat aammalu akissarsiatigut assigiissanersut apeqqutigineqarmat Qeqqata Kommuniani innuttaasut salliutillugit piiaaffissami 80%-it miss. nunaqavissut amerlassusilerneqarput.  

Akissarsianik immikkoortitsisoqassanngilaq, piiaanermilu piiakkat annissuunneqartut naalakkersuisoqarfimmiit nakkutigineqartussaasut akissutigineqarpoq, soorluttaaq akileraarnikkut akiliutissat aammalu royalty pingaaruteqartut eqqaaneqartoq. 

Ataatsimiisitsinermi peqataasut amerlanerpaat suliniut piviusunngoornissaa qilanaaralugu isumalluarnartutullu isigalugu tigulluarpaat. Soorluttaaq Naalakkersuisut aammalu Hudson Resourcemeersut innuttaasunit tigulluarneqarnera nuannaarutigalugu oqariartuuteqartut. 

Tusarniaaneq maajip 29-anut inerlanneqarpoq, taannalu qaangiuppat innuttaasut qisuariaataat apuukkusutaallu nalilersorneqariarlutik qinnuteqaat aaliangiiffigineqassaaq.  Aasareersimaleriarpat akissutisinissaat naatsorsuutigineqarpoq. Akuersissutigineqassappat IBA-mik isumaqatigiinniarnissaq illua’tungeriit pingasut Qeqqata Kommunia, Hudson Resoources kiisalu Naalakkersuisut tullinnguutissavaat. 

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER