assammik arsarneq

Assit: Angutit assammik arsarluni nunanut allanut unammisartut Danmarkimiipput

Helsingørimi sungiusaqatigiinnermi nunanut allanut unammisartut sungiusaatigalugu sisamariarlutik unammissapput

Minik Dahl Høegh sukataarsuataarpoq
Nordsjællandip assersuisuisa Nuka Heilmann paarilluarpaat
Sungiusaasut marluk Ian Marko Fog kalaallillu sungiusaasuat Niels Møller
Ikinngutigiitoqqat naapipput. Målmandit marluk Isak Olsen, Kalaallit Nunaat, aamma Kristian Pedersen, Nordsjælland Håndbold
Tallimanngormat Nordsjælland Håndboldimut unamminerup kingorna unammisartut pisortaallu assilisipput
Saamerlerniit Danny Brandt, Isak Olsen, Nuuno Lars Olsen aamma sungiusaasup ikiortaa Ingi Olsen
Nunanut allanut unammisartut Helsinge Hallernemut iseriartortut
Ikinngutigiitoqqat naapipput. Målmandit marluk Isak Olsen, Kalaallit Nunaat, aamma Kristian Pedersen, Nordsjælland Håndbold Knud Fl. LarsenTallimanngormat Nordsjælland Håndboldimut unamminerup kingorna unammisartut pisortaallu assilisipput Knud Fl. LarsenSaamerlerniit Danny Brandt, Isak Olsen, Nuuno Lars Olsen aamma sungiusaasup ikiortaa Ingi Olsen Knud Fl. LarsenNunanut allanut unammisartut Helsinge Hallernemut iseriartortut Knud Fl. LarsenMinik Dahl Høegh sukataarsuataarpoq Knud Fl. LarsenNordsjællandip assersuisuisa Nuka Heilmann paarilluarpaat Knud Fl. LarsenSungiusaasut marluk Ian Marko Fog kalaallillu sungiusaasuat Niels Møller Knud Fl. LarsenIkinngutigiitoqqat naapipput. Målmandit marluk Isak Olsen, Kalaallit Nunaat, aamma Kristian Pedersen, Nordsjælland Håndbold Knud Fl. LarsenTallimanngormat Nordsjælland Håndboldimut unamminerup kingorna unammisartut pisortaallu assilisipput Knud Fl. LarsenSaamerlerniit Danny Brandt, Isak Olsen, Nuuno Lars Olsen aamma sungiusaasup ikiortaa Ingi Olsen Knud Fl. LarsenNunanut allanut unammisartut Helsinge Hallernemut iseriartortut Knud Fl. LarsenMinik Dahl Høegh sukataarsuataarpoq Knud Fl. LarsenNordsjællandip assersuisuisa Nuka Heilmann paarilluarpaat Knud Fl. LarsenSungiusaasut marluk Ian Marko Fog kalaallillu sungiusaasuat Niels Møller Knud Fl. LarsenIkinngutigiitoqqat naapipput. Målmandit marluk Isak Olsen, Kalaallit Nunaat, aamma Kristian Pedersen, Nordsjælland Håndbold Knud Fl. Larsen

Nunanut allanut unammisartut pisarnermit ikinnerusut sisamanngormat unnukkut Helsingørimi 3. divisonimi unammisartunut ajugaapput arfineq-marlunnik amerlanerusunik isertitsillutik. Unammisartut Kalaallit Nunaanneersut unammineq ingerlanneqareersoq tikipput.

Sapersitaapput

Tallimanngormallu ualikkut Nordsjælland Håndbold unammineqarpoq.

Nordsjælland Håndbold, håndboldligami kingullerpaatut inissisimasoq, kalaallinut qularnaatsumik 35-24-mik ajugaavoq.

– 11-nik amerlanerusunik isertitsissallutik uagutsinnit taama kakkannerutiginngillat, unaminerup kingorna Minik Dahl Høegh Sermitsiaq.AG-mut oqarpoq nangillunilu:

– Sungiusaqatigiinneq amigaatigaarput. Nukittunerusariaqarpugut, minnerunngitsumillu ataasiakkaarluta kukkusaqattaarpallaaqaagut.Kukkunerit, håndboldligami tamatigut pillarneqartartut. Unamminerup immikkoortuani siullermi ingerlalluarpugut. Unamminerup immikkoortuata aappaa puiguinnassavarput.

Unamminerup ingerlarnga

Unamminerup aallartinnerani allaanngilaq GOG-mi unammisartut Minik Dahl Høegh Akutaaneq Kreutzmannilu Nordsjælland Håndboldip målmandia Kristian Pedersen kisimik isertitsiffigisinnaagaat.

Unamminerulli ingerlanerani unammisartut allat isertitsillattaalerput. 7-4, aamma 10-5. Tamatuma kingorna Kalaallit Nunaat minutsialunni arsarluavippoq.

Tulleriisiinnarlugit kalaallit sisamanik isertitsipput. Minutsit 21-t ingerlareersut 10-9-mik isertitaqarput. Neriunartoqarpasippoq. Minnerunngitsumik målmandi Isak Olsen amerlasuunik annaassilluaqattaavippoq. Immikkoortup siulliup naajartulernerani Nordsjælland siuariartoqqileraluarpoq, ilaatigulli Miki Johnsen marloriarluni isertitsimmat Kalaallit Nunaat katataanngilaq. Muminnermi Kalaallit Nunaat 13-12-iinnarmik kinguarsimavoq.

Immikkoortup aappaa

Unamminerup immikkoortuata aappaata aallartinnerani kalaallit naammaginartumik ingerlapput. 15-15-imut anngupput, Nordsjællandili tulleriisiinnarlugit arfinilinnik isertitsivoq 21-16-imillu siuarluni. Nordsjællandilu sukakkaluttuinnarpoq. 28-19-eriarlutik unammineq naammat 35-24-mik ajugaapput.

Ikinngutigiitoqqat naapittut

Målmandit pingasut, Nordsjællandimeersut Kristian Pedersen aamma Mike Jensen, Kalaallit Nunaanneersorlu Isak Olsen kalaaleq unammisartoq Aqqalu Ingemann peqatigalugu Oure Skolernemi atuaqatigiissimapput.

Pingasut Savalimmiuni unammisartuupput

Savalimmiuni unammiuaarnermi ingerlasumi kalaallit nunanut allanut unammisartut pingasut peqataapput. Tassaapput Danny Brandt, Isak Olsen aamma Nuuno Lars Olsen. Siulliit marluk klubbimi STÍF-imi Nuuno Lars Olsenilu VÍF-imi unammisartuullutik.

Aamma nunanut allanut unammisartut sungiusaasuata ikiorta Ingi Olsen savalimmiormiuuvoq.

Nordsjælland Håndboldimut unamminermi kalaallit isertitsisui:
Minik Dahl Høegh 8
Akutaaneq Kreutzmann 4
Miki Johnsen 3
Eqalunnguaq Kristiansen 3
Gustav O. Egede 2
Nuka Heilmann 2
Lars Ole Lyberth 2

Unamminissat kingulliit marluk

Kalaallit Nunaata arfininngornermi ualikkut Sverigemi Malmömi unammissavaa Malmö HK, svenskit liga-ni pitsaanermeersoq.

Kiisalu Kalaallit Nunaata Helsingørimi sungiusaqatigiinnermini sapaatiuppat ualikkut nalunaaqutaq 15.00 Hillerød 3. divisionimi unammisaertoq Hillrødimi unammissavaa.

Powered by Labrador CMS