Skip to main content

Assit: Aleqap aamma Ann Andreassen nersorniarpaa

Nuummi Hans Egede illuani pilersaarutaanngikkaluamik ataatsimuualaartoqarpoq Ann Andreassenip Uummannami meeqqanut suliniutai nersorniarlugit

Uummannami meeqqat angerlarsimaffiata ningiuata Ann Andreassenip Ebbe Munckip nersornaasiuttagaanik Dronningimit tunniunneqartumik pingasunngorneq novemberip 20-at pissarsinera Naalakkersuisut ilalerpaat. Ann Andrease sapaatip akunnera kingulleq Nuummut aqqusaarmat Hans Egedep illuani ataatsimuualaaqatigineqarpoq.

Tallimanngormat aatsaat Naalakkersuisut paasivaat Ann Andreasen Nuummut aqqusaartoq. Siumut pilersaarutaanngikkaluamik ataatsimuualaarnissaq Naalakkersuisut siulittaasuat Aleqa Hammond Hans Egedep illuanut aggersaasoq, namminersorlutik oqartussat Sermitsiaq.AG-mut ilisimatitsipput.

Aleqa nerisassiorpoq

Ann Andreasenip ataatsimuualaaqatiginiarneranut Naalakkersuisunit tunngavilersuutigineqarpoq qanittumi Ebbe Munckip nersornaataanik tunineqarnera aammalu Inatsisartut nersornaataannik Nersornaammik sølviusumik aasaq tunineqarnera Uummannami meeqqat angerlarsimaffianni meeqqanut suliniarnini pillugu.

Uummannami Nuummilu nipilersoqatigiinnermut ilinniarfimmeersut aamma ataatsimuualaarnermi nipilersorput. Nipilersoqatigiinnermut ilinniarfiit taakku qanimut suleqatigiinnermik aallarnisaapput.

Tallimanngorneq tassaavoq Nuummi julefrokosterfiusoq. Ataatsimuualaartoqartillugu nerisassannik aggiussisartut tamarmik nalunaarsimapput piffissaq taama sivikitsigisoq atorlugu nerisassiuussisinnaanatik. Taamaammat Aleqa Hammond aalajangerpoq nerisassioqataaniarluni taamalu rejesalatiliorluni. Aamma kalaaliminernik panertunik sassaalliisoqarpoq inuusuttut nipilersortartut nipilersorneranni mamarsaatigineqartunik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER