Skip to main content

Assit: Aalborgimi juullerpalaartitsineq iluatsilluartoq

Arfininngormat kalaallisut juullimi tusarnaartitsisoqarlunilu nuannisaqatigiittoqarpoq

Aalborgip eqqaamiuinut kalaallinut ukiumoortumik juullerpalaartitsineq arfininngormat peqataaffigineqarluartumik ingerlanneqarpoq. Hans Egedes Kirke-mi juullimi tusarnaartitsisoqarpoq kingornalu Kalaallit Illuutaanni nuannisaqatigiittoqarluni.
– Juulliaqqami silatangiaalluta illuniit illunut ingerlanitsinni arsarnerit aalavallaaleraangaata ersisorujussuanngortarpugut tuaviinnarlu angerlarluta, isiliivillutalu uinngiarsortarpugut, iserlutalu arsarnerit isiginnaalersarpavut igalaakkut nipituumik uinngiarsorluta, Emilie Petersen, Saqqamiut, kingorna Qaqortoq, Aalborgimi Hans Egedes Kirkemi meeraanermini juullimik taamatut eqqaamannippoq.
Juullerpalaartitsineq aallartippoq oqaluffimmi ulikkaavissumi tassani tusarnaartitsillutik erinarsoqatigiit Ikinngutigiit, kisimiillutik erinarsorlutik Charlotte Johansen aamma Annemette Strandgaard ataatsimullu tussiartoqarluni.
Tamatuma kingorna Aalborgimi Kalalalit Illuutaanni kaffi, tii, gløgg, safti æbleskivillu sassaalliutigineqarput. Ikinngutigiit erinarsorput kisimiittullu, Charlotte aamma Annemette, erinarsorlutik.
Juullip inua meeqqanik qimuttulerluni takkuppoq orpiliaqataallunilu, tamatumalu kingorna meerarpassuarnut mamakujuttunik agguaassivoq.
Illup pisiniarfia ammavoq kalaaliminernik nutaanik tikisitseqqammersimasoq, ilaatigut puisip neqaanik.
Juullerpalaartorsiorneq nuannersoq alianaatsorlu meerarpassuit angajoqqaavisalu arfininngormat ualikkut Aalborgimi misigisaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER