Assiliisartoq: Neriuppunga assit nuannaartitsilerumaartut
Københavnimi Kalaallit peqqissartut Angerlarsimaffiat assinik kalaalerpaluttunik arlalinnik tunissuteqarfigineqarsimavoq.
Assiliisartoq Carsten Egevang tassaavoq asserpassuarnik peqqissartut angerlarsimaffiannut tunissuteqarsimasoq. Assit Kalaallit peqqissartut angerlarsimaffianniinnerminni assit nunaminneersut qimerluualaarsinnaanngorpaat.
Carsten Egevang tusagassiorfinnut nalunaaruteqarnermini taamatut oqaluttuarpoq.
Tunissutigineqartullu peqqissartut angerlarsimaffianni nuannaarutigineqarput, sulisoq oqarpoq:
- Napparsimasut taakkulu ilaqutaat nappaammik katsorsaanermut atatillugu piffissami sivikivinnerusumi sivisunerusumiluunniit Københavnimi Peqqissartut Angerlarsimaffianniittarput. Inuit ilungersunartumik nappaatillit tassaanerusarput Peqqissartut Angerlarsimaffianniittartut, taakkulu Kalaallit Nunaanni ilaquttatik ikinngutitillu maqaasisarpaat, taamaammallu immaqa qiimavallaartaratik.
- Isumaqarpunga assit najugaqartorisartakkatsinnut qiimmaallaataasassasut, Thora Broberg tusagassiorfinnut nalunaaruteqarnermi oqarpoq.
Carsten Egevang ukiorpassuarni Kalaallit Nunaanni suliaqartarsimavoq, taassumalu neriuutigaa assit nuannaartitsisarumaartut:
- Assilisakkat peqqissartut angerlarsimaffianniittunut nuannaartitsisinnaappata nuannissaqaaq. Nalunngilarami kalaallit nunami allamiikkaagamik angerlarserlutillu Kalaallit Nunaannik maqaasinnittartut, Carsten Egevang tunissuteqarneq pillugu oqarpoq.