Assiliisartoq: Kalaaliusugut iluanaarpugut
Pingaartuuvugut. Kalaaliusugut nunarsuup qeqqani inuuvugut. Inissaqarluarpugut nuannerluinnartunik avatangiiseqarluta – qaqqat, arsarnerit, isikkivik. Kulturerpulli pillugu ilisimasat pingaarutillit annaasimavavut, Sisimiuniit inuusuttoq assiliisartoq nunarsuarmi tamarmi saqqummersitsisartoq oqarpoq.
Inuuteq Storch qiianermik uulittuinnaavoq. Assiliisartoq 34-nik ukiulik Dubaimi inoqajuitsumit kiaqisumit Københavnimut isugutallunilu pujortumut tikeqqammerpoq.
Inuuteq Storch Dubaimi Sharjah Biennalenimi saqqummersitsereerluni Københavnikkoorpoq.
Aviisi AG taama allappoq.
Kalaallit Nunaatalu oqaluttuassartaa Danmarkip annermik oqaluttuarisartagaa Inuuteq Storchip soqutigisupilussuuaa.
Naapikkanni Københavnimi Nordatlantens Bryggemi saqqummersitsinissani piareersaleruttorpaa. Sisimiunit angerlarsimaffigisaminit assinik saqqummersitsiniarpoq Keepers of the Oceans qulequtsiullugu.
Kalaallit Nunaanni illoqarfiit annersaata tulliani ingammik inuusuttut ulluinnarni inuunerannit assilipallatani assinik ukiunik 100-ngajannik pisoqaassusilinnik akoorsimavai, tassalu kalaallit assiliisartorsuisa siullersaannit John Møllerimit assilisat qalipaateqanngitsut. Nuummi assiliisartup igalaaminermut negativit 3000-it erlinnartut qimatarai.
Kinaanersunga ilisimarusuppara
Ukiuni kingullerni 150-ini avataaniit assiliisartut qallunaajunerusut Kalaallit Nunaanni inuuneq uppernarsartarsimavaat. Inuiannik ilisimatuup William Thalbitzerip ukiut 100-t matuma siornagut Kalaallit Nunaanni Tunumit taamanikkut inuunermik assilisaanit qalipaateqanngitsunit 1930-kkunni Kalaallit Nunaannit Jette Bangip inunnik assilisaanut, ullumikkullu pinngortitanik piviusunillu assiliisartorpassuarnut Kalaallit Nunaannik soqutiginnittunut.
Aviisimi AG-mi atuarnerusinnaavutit. Aviisi uani pissarsiariuk:
