Skip to main content

Asserpassuit: Urani Kujataani aalassatsitsisoq

Qaqortumi Narsamilu uranimut akerliunermik illersuinermillu takutitsisoqarpoq. Narsarsuarmi naaggaartut kisimik akerliussutsimik takutitsipput

Uranimik piiaasoqassanersoq piiaasoqassannginnersorluunniit Kalaallit Nunaanni avissaartortitsivoq.

Tamanna malunnarluarpoq tallimanngormat Qaqortumi Narsamilu, Inatsisartut ataatsimiinnerisa ammarnersiorneqarnerannut atatillugu, illersuisut akerliusullu takutitsineranni illua'tungeriit imminnut suaartaammata.

Illersuisulluni akerliliillunilu oqalugiarnerit

Qaqortumi uranimut akerliuniaqatigiit Urani Naamik akerliussutsimik takutitsinerat nalunaaqutaq 12.00 aallartippoq.

Ingerlaaqatigiinneq aallartippoq illoqarfiup qeqqani ´Tissaluttumi´, tassani akerliusut 50-it missarpiaanniittut suaartaatigalutik kommunip allaffiata tungaanut ingerlaarmata.

Uranimik piiaanissmik illersuinerminnik takutitsisut aamma kommunip allaffianukarput, tamakkua illoqarfiup immikkoortuanit allamit aallarsimallutik.

Tapersersuilluni takutitsinermik aaqqissuussisuuvoq Siumut Qaqortoq. Aamma takutitsisut taakkua ilaat nipituuliorput, nillianeralli naaggaartut nillianerannit ipitinneqarpoq.

Borgmesteri oqalugiarpoq

Kommunip allaffiata saavani oqalugiartoq siulleq tassaavoq Stine Egede Nørbæk, Inuit Ataqatigiit Qaqortumi immikkoortoqarfianneersoq, taannalu piiaanissaq akerlilersorlugu oqalugiarpoq, illersuisunillu oqalugiarput Siumup Qaqortumi immikkoortoqarfianeersoq Marie Lyberth, parteeqataalu, borgmester Jørgen Wæver Johansen.

Akerliusunit aamma oqalugiarpoq Lars Salik Henningsen.

Akerliusut illersuisullu takutitsineranni politiit arlalissuit najuupput. Illersuisulli akerliusullu imminnut nipitoorsuarmik suaartaannerisa saniatigut pinartunik pisoqanngilaq.

GME-p halianit

Narsami akerliuniaqatigiit Urani Naamik GME-p (Greenland Minerals and Energyp) saavani akerliussutsimik takutitsinertik aallartippaat, tassanngaanniillu katersortarfiup tungaanut ingerlaaqatigiillutik. Tassani atsiornernik katersuisoqarpoq, kaffisortitsisoqarluni kaagimik iggiserlugu.

Piiaaffimmik illersuisut

Illersuilluni takutitsineq, Siumumit, Atassummit piiaaffimmillu illersuisut peqatigiiffiannit Ilimmaasaq-mit aaqqissuunneqartoq, aallartippoq pisiniarfiup Pilersuisup saavanit, illersuisullu tassanngaanniit kommunip allaffianut ingerlaaqatigiipput, tassani oqalugiartoqarluni.

Politiit qimmii

Kommunilli allaffia katersortarfillu sanileriimmata politiit qimmilisaartut illua'tungeriit 20 - 25 meterinik imminnut ingalassimatippaat, tassanissaarlu illersuisut akerliusullu imminnut suaartaallutillu erinarsorlutillu nipituneqqusaapput.

Qaqortumi, Narsami Narsarsuarmilu illersuisut akerliusullu takutitsinerannit assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER