Skip to main content

Assammik arsarneq: Unammersuariaaseq nutaaq suliniutigineqarpoq

Timersoqatigiiffiit amerlanerusunik unammisarnissaat anguniarlugu Timersoqatigiiffiit Assammik Arsartartut Kattuffiat unammersuariaatsip allanngortinneqarnissaa sulissutigaa. Piviusunngorpat aggustimit juuni tikillugu unammisoqartalersinnaavoq

Assammik arsartartut kattuffiata sinniisutut aallartitat ataatsimiinneranni arfininngormat pisumi unammersuariaatsip allanngortinneqarnissaa ilaatigut eqqartorneqarpoq.

Timersoqatigiiffiit ukiup ingerlanerani unammineri amerlanerunissaat uani qitiutinneqarpoq, taamaattumik aggustimit juunip tungaanut unammisoqartalernissaa anguniarneqarpoq. Taamaasilluni ukiorpassuarni GM-ertariaaseq qimanneqarnissaa sulissutigineqarpoq.

Regionikkaarluni unamminerit

Timersoqatigiiffiit Assammik Arsartartut Kattuffiani siulittaasunngoqqittoq Jørgen Isak Olsen pilersaarutit pillugit ima nassuiaateqarpoq:

- Sungiusarfiit aallartinneraniit klubbit unammisarnerisa nukittorsarnissaat. Tassa illoqarfinni arlariikkaanni tamanna ajornassanngilaq. Illoqarfinnili klubbi ataasiinnaatillugit illoqarfiit qanitarisat peqatigalugit, kommune mesterskaber, CUP allatulluunniit suleqatigiilluni unamminernik pilersitsinerit. Taakkua unammisimanissat pinngitsoorneqarsinnaanngitsutut eqqartorneqarput tassaassallutillu Regionsmesterskabinut 'isissutissat', Jørgen Isak Olsen Sermitsiaq.AG-mut oqarpoq.

Unamminerit arlallit

Regionsmesterskabit Avannaa Kujataalunilu anngunniaraanni qulaani taaneqartut unammereersimanissat pingasut minnerpaaffiussapput. 

- Taakkua pereeraanni regionsmesterskabinut unammiartussapput. Assersuutigalugu avannaa tallimat peqataassapput imminnut unammillutik. taakkuannga pingasut slutrundimut ingerlaqqillutik.

Slutrundemi regioninit pingasut aappaattullu inissittut annguttassapput. Timersoqatigiiffiit arfineq marluk unammisaqattaarnerannit taakkunannga sisamat pitsaanerit Final Four-imut annguttassallutik maajimi juunimiluunniit ingerlanneqartussani, Jørgen Isak Olsen oqarpoq.

Sukkanerpaaq atorlugu

Qaqagu atuutilernissaa siunnerfigineqarpa?

- Siunnerfik tassaavoq piaarnerpaamik ingerlatsilernissaq siunertaralugu aaqqissuusseqqinneq pissasoq. Ataatsimiititami pilersaarusiornissaa apeqqutaavoq, angalanerit, sumiiffiit minnerunngitsumillu aningaasatigut missangernissaa. Ataatsimiititaq suligasuarpat neriuutigivarput sæson tullianiluunniit pisinnaassappat kisianni nalilersoqqaartariaqarput, Jørgen Isak Olsen akivoq.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER