Skip to main content

Assammik arsarneq: Sungiusaasup isumaqatigiissutini sivitsorpaa

Assammik arsarnermi arnat nunanut allanut unammisartut sungiusaasuata aappaa, Anders Friis, assammik arsarnermi kattuffimmik Taak-imik isumaqatigiissutini ukiuni pingasuni sivitsorpaa.

Anders Friisip isumaqatigiissutini ukiuni sivitsorpaa.

- Kalaallit Nunaanni assammik arsarnerup tungaatigut ineriartortitseqataanera pissutigalugu isumaqatigiissut sivitsorpara. Timersuut ineriartorluarpoq, arnat tungaatiguunnanngitsoq aammali Nuna tamakkerlugu ineriartorluartoqarpoq, Anders Friis Sermitsiaq.AG-mut oqarpoq.

Unammilleqatigiinneq

Herning Ikastimi sungiusaasup tulliatut atorfeqarpoq, ISI Idrætsefterskolemi aamma assammik arsarnermi sungiusaasuuvoq.

- Johannes Groth suleqatigilluarpara, taanna Kalaallit Nunaanni ineriartortitsilluarpoq - maanna unammisartuusuni siunissamilu aamma unammisartuulersussanut. Inuit amerlanerusut assammik arsartalernikuupput, taamaasilluni unammilleqatigiittoqalerluni - tamannalu siunissamut pingaaruteqarpoq, oqaluttuarpoq.

Misilittagaqarluartoq

Sungiusaasooqataata Johannes Grothip isumaqatigiissummik sivitsuisoqarnera nuannaarutigaa.

- Sungiusaasuuneq inuussutissarsiutigipajaarpaa. HIH-mi sungiusaasuuvoq, ullut tamaasa assammik arsarnerup tungaatigut suliaqartarluni. Taktikkip tungaatigut isumalerujussuuvoq, sungiusaqatigiinnernilu sungiusariaatsinik nutaanik saqqummiisarluni. Suleqatigiilluaqaagut, taamaattumik Andersip isumaqatigiissumminik sivitsuinera nuannaarutigaara, Johannes Groth oqaluttuarpoq.

Nunanut allanut unammisartut USA-mut anngunniunnissaminnut neriuuteqarput.

Johannes Grothip ukioq manna qaangiuppat isumaqatigiissutaa naammassissaaq. Isumaqatigiissut sivitsorneqassanersoq oqaloqatigiinnerit aallartingajalersinnaasut ilisimatitsissutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER