Skip to main content

Assammik arsarneq: Mexico unammersuuartitsinermut aaqqissuinissaraluani tunuartippaa

Assammik arsarnermi nunanut allanut unammisartut Mexicomut unammiartortussaagaluarput novembarimi, tassani VM-eqarnissaanut anngunniuttussaagaluarlutik. Unammersuuarnermulli aaqqissuisuusussaagaluit Mexico covid-19 pissutaalluni aaqqissuisuunissaagaluani tunuartippaa

Angutit VM-imut anngunniunneranni Mexico aaqqissuisuusussaagaluarpoq, kattuffiulli arfininngormat nalunaarutigaa aaqqissuisuunissartik tunuartillugu, kattuffik NACHC allappoq.

Tassani unammersuaarnermi kalaallit angutit peqataasussaagaluarput.

Mexico coronavirusertoqarneranut eqqugaanerloqqavoq, maanna inuit 50.000-it qaangerlugit toqoreerlutik.

VM-imut anngunniunnissaq taamaasilluni ilumut piviusunngussanersoq suli ilisimaneqanngilaq, tamanna kattuffimmi ullumi ataasinngornermi ataatsimiissutigineqassaaq.

VM-imut anngunniunneq novembarimi ingerlanneqartussaagaluarpoq, tassani ajugaasoq VM-imut anngutissalluni. Nunarsuarmi pissartanngorniunneq Ægyptenimi januaarimi ingerlanneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER