Assammik arsarneq: GSS ingerlalluartoq

GSS-ip arnartai ualikkut arfineq-maluk qeqqanut QBA/Byholdimut unammipput.

- Kiisami GSS timikkut unammillerneqarnissamut isikkoqaleraluarami unamminissaq sioqqullugu, nunanut allanut unammisartut sungiusaasuat Johannes Groth allappoq.

- Unamminissamut arnani assammik arsartartut malunnaatillit arlallit iligiinni marluusuni ilaagamik. Kisianni GSS-ip sukkassusaat QNA/Byhold-imut sanilliullugu annertunerunera peqqutigalugu, GSS sukkasuumik saassussinermi QNA/Byhold inissinnginneranni isertitsisaqattaaramik. Unammineq pissanganarsinani GSS ajugaavoq 35-20.

- QNA ikioqatigiillutik arsaqatigiinnissaq amigaatigaat, kisianni aqqitassaaqqat iluarsigunikkit aqagu NÛK-mut unamminissaminnut periarfissagissaarput. Ajugaassagunillu finale-mut anngutissapput. GSS finalemut anngupput.

GSS-ip angutitai aamma QNA/byholdimut unammipput, tassanili naligiinnerusumik unmmisoqarluni.

- Angutit unamminerat allaanertut ingerlavoq, iligiit tamarmik piffissani aaliangersimasuni arsarluartarlutik. Nukersuunnerit illuttut atorneqarput, tamarmik ajorsarumanatit unammigamik. Nukersuunnerit immaqa annertuallaalaarput, anisitaanerit marluk sinnerlugit amerlanerusinnaagaluarput, kisianni sigganngitsoornerit peqqutaallutik, illuttut nalileruminaatsippaat killissaq sumiinnersoq.

- QNA immikkoortoq siulliup annerpaartaa siuarsimapput, Marco Geisler aamma Marxwell Otiri Frederiksen arsarluarnerisigut, aamma inuusuttoq Josef Frederiksen målini arsarluarnerani. Arsarnerup ingerlanerani taarsiinermi, Miki A. Heilmann GSS-ip saassussineranni arsarneranut sunniuteqarpoq, GSS-ip arsarnerata ingerlaarluarnera unamminermi aaliangiisuuvoq, aamma QNA/Byhold naggataatigut nukissanik amigaateqaleramik.

- Unamminermi Inuk Højgaard aamma målini takutitsilluarpoq. Unammineq 31-37-mik inerneqarpoq, GSS ajugaalluni, taamaasillunilu GSS finalemut annguppoq. Aqagu NÛK - QNA/Byhold unamminissaat pissanganassaaq, kikkut sapaatiuppat finalimut anngutissanersut aaliangiisuussammat.

Ullumi unamminissat Inussivimmi ingerlanneqassapput.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...