Assammik arsarluni pissartanngorniunnerit aallartilerput
Assammik arsarluni pissartanngorniunnerit sapaammi ualikkut aallartissapput, tassani arnani angutinilu kingullermik pissartanngortut, GSS, pissartanngorsimanerminnik illersuiniassapput. Pissartanngorniunnermi iligiit nukittuujupput, assammillu arsarneq qaffasissumiissalluni, kattuffik taama nalunaaruteqarpoq.
Sapaammi Inussivimmi aallartissapput. Tassani assammik arsarluni pissartanngorniunnerit aallartissapput, tassani arnani angutinilu iligiit sisamat pissartanngorniunniarput.
Pissartanngorniunnermi iligiit nukittuut assammillu arsarneq qaffasissoq ingerlanneqassasoq, Timersoqatigiiffiit Assammik Arsartartut Kattuffiat, TAAK, tusagassiuutinut nalunaarummi allappoq.
- Arnani iligiit sisamat angutinilu iligiit sisamat tamarmik imminnut unammissapput semifinalit finaalillu aqqusaagassaaq, nunani allani ajugaanniunneq Final 4 nalunngisatsinnut eqqaanarpoq. Taannalu isumaqarpoq kingullinngunnginnissamut tamaviaarluartariaqartoq semifinaalimi ajornartoornianngikkaanni, aammalu semifinaali ilungersorluni unammiffiusinnaasoq, TAAK allappoq.
VM sioqqullu arnat unamminerat
Kattuffik naapertorlugu pingaartumik GSS arnanik nunanut allanut unammisartorpassuaqarpoq, taakkulu ungasinngitsumi nunatsinni VM-mut anngunniullutik unammisaqattaassapput:
- Naatsorsuutigissavarpullu arsartut piukkunnarluarnissaat, taama oqarput.
Nunanut allanut unammisartut sungiusaasuata, Anders Friisip, ikiortaatalu Kim O. Petersenip qularnanngitsumik unammisut tamarmik unammeriaasaat qaffasissusaalu takorusussavaat, siumullu VM-ertoqannginnerani aaqqitassat kingulliit iluarsissallugit.
Sungiusaasoq nutaaq malinnaassaaq
Angutinut nunanut allanut unammisartunut sungiusaasoq, Johannes Groth, unammisartut tamaasa takunissai qilanaaraa.
- Tassani pingaartumik unammisartut tunngaviusumik piginnaasaat, ajugaanissamut piumassuseqarnerat, minnerunngitsumillu iligiinni unamminermi unammisarfiullu avataani qanoq pingaartitsisinnaanerat maluginiassavaa, kattuffik allappoq.
Soqutiginnittut Inussivimmut aggerlutik illersuiartorlutik isiginnaariarnissaannut TAAK kaammattuivoq, tassani NÛK-mi kajumissutsiminnik ikiuuttartut pissartanngorniunnissaq kattuffik suleqatigalugu aaqqissuussilerput.
Uani sapaammi, ataasinngornermi marlunngornermilu unamminissanut takuneqarsinnaavoq:
