Assammik arsaanneq: VM-imut anngunniunnissamut unammiartussat toqqarneqartut

Nunatsinni pissartanngorniunnerit (GM) naammassiniariartut nunanut allanut unammiartartunut sungiusaasut Johannes Groth aamma Anders Friis assammik arsaalluni nunarsuaq tamakkerlugu pissartanngorniunnissamut anngunniunnernut peqataasussanik 16-inik toqqaapput.

Unammiartussat 16-it Nunarsuaq tamakkerlugu pissartanngorniunnissamut anngunniunnernut Mexico Citymi maajip 27-aniit juunip pingajuanut ingerlanneqartussanut Kalaallit Nunaat sinnerlugu peqataassapput.

Kalaallit Nunaanni Assammik Arsaattartut Kattuffiat facebookimini taama allappoq.

- Akunnerminni unamminerulersimasut takusinnaavarput, pikkorinnerulersimappullu – ineriartorneq pitsaalluinnarpoq. Ukiuni tullerni ineriartorluartoqarnissaa sulissutigaarput, ukiuni tallimani tullerni pilersaaruterput anguniassagatsigu. Toqqaaniarnermi toqqagassat pikkorissusaat imminnut qanittunnguusimapput, mikisualuillu apeqqutaallutik toqqaasimavugut. Maanna takutitsisussanngorpugut Kalaallit Nunaallu sinnerlugu peqataassalluta – tamanna qilanaaraarput, nunanut allanut unammisartut sungiusaasui Johannes Groth aamma Anders Friis oqarput.

Toqqarneqartut 16-it ukuupput:

1. Nivi Fly, GSS.
2. Aviaaja Heilmann, GSS.
3. Andrea Andreassen, GSS.
4. Sara Biilmann Egede, Vidar.
5. Ulla Kleist, GSS.
6. Anja Heilmann, GSS.
7. Christina V. Lange, NuK.
8. Lykke Frank Hansen, GSS.
9. Ivalu Bjerge, TTH Holstebro.
10. Kathrine F. Mikkelsen, Silkeborg-Voel KFUM.
11. Najaaja A. Lyberth, GSS.
12. Mia Egede Rasmussen, Lyngby HK.
13. Panu P. Grønvold, GSS.
14. Ivaana Holm, GSS.
15. Sandra Rothberg, Silkeborg-Voel KFUM.
16. Ivana Meincke, GSS.

Arnat nunanut allanut unammisartui 18-iusut GM-ertoqannginnerani Ikastimi sapaatip akunnerani ataatsimi sungiusaqatigiillutik naapipput. Unammisartuni taakkunani 16-it maanna toqqarneqarput.