Skip to main content

ASN: Qinngorput kangerlua mingutsinneqassanersoq ilisimaneqanngilaq

Nuummi mittarfissaq pillugu ASN-mut nassuiaammi nutaami, Qinngorput kangerluani mingutsitsisoqarsinnaaneranik aarlerinartoqartoq ilanngunneqarsimavoq.

Kalaallit Airportsimit ASN-imut nassuiaatip kingulliup takutippaa, sanaartornerup nalaani sanaartortoqareerneranilu, Qinngorput kangerlua avatangiisaalu qanoq sunnerneqassanersut ilisimaneqanngitsoq.

LÆS OGSÅ: Nuummi mittarfik: Nipiliorluni akornusersuinerup killigititap nalinginik qaangiissaaq

Mingutsitsisut marluk

Takorluugaasinnaasut marluk massakkut nalilersorneqanngillat:

  • Nuummi mittarfissualiornermi qaartiterisoqarnerani, kvælstoffit dieseluulialu Qinngutsinni kangerluanut pisinnaapput
  • Mittarfik naammassippat quasannaveersaartinneqalerpallu, miffissamut quasarunnaarsaatitut atugassat sinneri Qinngutsinni kangerluanut kuussinnaapput

- Taamaammat siunnersuutigineqarpoq, sanaartornermi suliat aallartinnissaat sioqqullugu, Qinngutsinni kangerlummi tunngaviusumik misissuinerit ingerlanneqassasut, tamatumalu kingorna paasissutissanut tunngavinnik pissarsinissaq siunertaralugu avatangiisit qanoq issusaannik nakkutilliisoqassasoq, mittarfiup kangerlummut sunniuteqarneranik aalajangiisussanik, aamma innarliinarveersaarnermi iluarsiissutit ingerlanneqarnissaannut tunngaviliisinnaasunik, ASN-imut nassuiaammi kalaallisut 30-nik quppernilimmi atuarneqarsinnaavoq. Nassuiaat tusarniussutigalugu nassiunneqaqqammerpoq.

Avatangiisinut sunniut ilisimaneqanngilaq

Nassuiaammi allassimanngilaq assersuutigalugu mittarfiup miffissaanut quasarunnaarsaatit Qinngorput kangerluanut pinnginnissaannut qanoq iliortoqassanersoq.

LÆS OGSÅ: Nuummi mittarfik: Nipiliorneq aamma mingutsitsineq annertunerusoq nutaamik ASN-mik misissuititsilerpoq

Qinngorput kangerluani mingutsitsisoqalissagaluarpat, tamannalu ajoqutaappat, Kalaallit Airports mingutsitsisunik piigaqarnissaa avatangiisinut naalakkersuisoqarfiup piumasarisinnaavaa.

Taamaasillutik mittarfissuup ingerlanneqarnerani mingutsitsisoqalissagaluarpat, tamanna mittarfinnik ingerlatsisunut akisunaarneqarsinnaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER