Asii: Mittarfissuassap inissinneqarnera allanngussanngilaq
Nuup kujataani mittarfimmik pilersitsisoqassasoq innuttaasut ilaannit piumasarineqarpoq, tamanna pillugu akerliussutsimik takutitsisoqassaaq tallimanngorpat. Mittarfiliornissalli inissisimaffissaa allanngussanngitsoq Sermersuumi borgmesteri naqissusiivoq
- Aalajangertoqareerpoq. Aalajangiineq tassaavoq Nuummi mittarfik 2200 meteriusoq.
Kommuneqarfik Sermersuumi borgmesteri Asii Chemnitz Narup Nuummi 2200 meteri // 2200 meter i Nuuk-ip Facebookimi quppernerani naqissusiilluni oqarpoq.
Mittarfiliornissap inissisimaffia allanngussanngitsoq isumaqarpoq, taamaasilluni Nuup Kujataani mittarfiliornissaq innuttaasunit siunnersuutigineqartoq akerleralugu oqariartuuteqarluni.
Allamut inissinneqassanngilaq
- Marlunnik siumut allornerit tamaasa pingasunik uteriartassaagut? Inuiaqatigiinnut aalajangiunneqartut, naak ukiorpassuarni suliarineqarsimagaluartut allanngortinneqartuartassappat? Aamma tamannaanerpa Kalaallit Nunaanni suliniutit ikittuinnaat naammassineqartarnerannut peqqutaasoq?, borgmesteri aperaaq.
Aalajangiunneqareersoq pitsaanerpaajusoq aamma naqissuserpaa.
Akerliussutsimik takutitsisoqassaaq
- Aaqqiineq innuttaasunik, avatangiisinik, inissisimaffimmik, aningaasaqarnermi il.il. isiginiarlugit aaqqiineq – piviusorsiornerup iluani aaqqiineq, Asii Chemnitz Narup oqarpoq.
Eqimattaq Angisunnguaq innuttaasunit tapersersortissarsiorpoq, tallimanngorpallu nalunaaqutaq sisamanut Nuummi illoqarfiup qeqqani Amisuniit Inatsisartut allaffiata tungaanut akerliussutsimik takutitsissalluni. Oqariartuut ersarippoq: - Illoqarfiup qeqqani angisuumik nutaamik mittarfittaarusunngilagut.
Asii Chemnitz Narupip oqaasii uani takukkit:
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...