Skip to main content

Asii: Namminersorlutik Oqartussat atorunnaarsinneqarnissaannik oqalunneq unitsilli

Namminersorlutik Oqartussat atorunnaarsinneqarnissaannik oqalunneq ajoqutaannaallunilu uungaannaq isigineruvoq, Kommuneqarfik Sermersuumi borgmester, Politikkenimi aviisimut allaatigisaqarpoq

Namminersorlutik Oqartussat atorunnaarsinneqarnissaat isumassarsialatsialaanngilaq.

Kommuneqarfik Sermersuumi borgmester Asii Chemnitz Narup (IA) qallunaat aviisianni Politikkenimi aviisimi allaatigisaqarpoq.

- Kialluunniit silatusaartup tamanna isumassarsialatsiaanngitsoq takusinnaavaa. Taamaammat Kalaallit Nunaannut soqutigisalik Søren Espersen poqerlunilu pimoorussisuugaluarluni oqaaseqarnera – oqaatigilluaannarlugu – neriuuteqanngilluinnarneruvoq, Asii Chemnitz Narup oqarpoq. 

Atuaruk: Aviisimi allaatigisaq: Namminersorlutik Oqartussat atorunnaarsinneqarlik

Siornatigut Ilimmarfimmi lektoriusimasoq, Thorkild Kjærgaardip aviisimi tassani ukioq kingulleq kotobarip qaammataani ilaatigut ima oqarluni allappoq, "suna tamarmi ajorsilluinnannginnerani, eqqarsarluartoqaqqulluguli Folketingip Kalaallit Nunaata Namminersornerunera atorunnaarsikkallarsinnaavaa".

Taamatulli pisoqassappat Sermersuumi borgmesteri naapertorlugu Nunatsinni namminiilivinnissamik oqallinneq sakkortusinneqarsinnaasoq.

Aamma atuaruk: Nutaarsiassaqartitsivik: DF Namminersorlutik Oqartussat atorunnaarsinnissaat piareersimaffigaat

- Misigittaanneruvoq, kammatersorfiukkajuttarpoq, piviusorsiornermillu tunngaveqanngikkajuttarluni – inuiaqatigiinnullu kalaallinut pissuserissaarnerunani. Kjærgaardip Espersenillu sianiilliornerinnaanngilaq – taamaaliortoqarneralu naleqqutinngilluinnarpoq, Asii Chemnitz Narup aviisimi allaatigisami tikkuaavoq.

Ilanngullugu oqaatigaa, kammalaatersornermik oqariartuut sianiilliornerusoq Nunatsinnilu kamannerinnarmik akineqassasoq oqaatigalugu.

- Ilungersorpugut amerlasuunillu unammilligassaqarluta. Nunarpulli nutaaliaavoq. Innuttaasut amerlaqisut isumaginninnermik, timersornermik, politikkikkut partiilersuunnermik il.il. kajumillutik sulerusussuseqartunik – Qallunaat Nunaanniit allaanerugaanngilagut, Asii Chemnitz Narup ilaatigut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER