kommuninut qinersineq 2017

Asii isumaqatigiissummik naammassinnippoq

Kommunimut qinersinermi taaguulluarneqarnerpaaq, Asii Chemnitz Narup illoqarfiit pingaarnersaata kommunianeersoq, ukiuni sisamani tulliuttuni amerlanerussuteqalersitsivoq.

Ukiuni sisamani kingullerni partiip IA-p politikkikkut Demokraatit peqatigalugit amerlanerussuteqarput. Taakku maanna amerleriartinneqarput, Atassutip ilaasortaatitatuaa, Mala Høy Kúko inissinnermi isumaqatigiissummut ilaavoq, tamanna aqagu pingasunngornermi tusagassiortunik katersuutsitsinissamut qaaqqusinermi takuneqarsinnaavoq.

Atassummi ilaasortap Tunumeersup partii kommunalbestyrelsimi qinigaatitaqarnissaanik qulakkeerpaa.

Kina borgmesterip sinniisuatut siullertut toqqarneqassanersoq nalunarpoq. Kommuneqarfik Sermersuup Nuummi allaffeqarfiani aatsaat saqqummiunneqassaaq.

Qinersineq sioqqullugu Justus Hansen Demokraatineersoq borgmesterip sinniisoraa, kisianni tassaniiginnassanersoq qularnarpoq, tassami Demokraatit siulittaasuat Randi V. Evaldsen Tasiilameersumit Justus Hansenimit taaguunneqarneruvoq. Taakku 389-init aamma 176-inik taaguunneqarput.

Borgmesteri nuannerineqarluartoq 2.259-init taaguunneqarpoq, taamaalillunilu 13-inik tunuliaquteqarpoq, Siumullu ukiuni sisamani tulliuttuni arfinilinnik ilaasortaatitaqassaaq.

Powered by Labrador CMS