Asii inuussutissarsiutigalugu arsaattartuunissamut neqeroorfigineqarpoq
Arsaattartoq Asii Kleist Berthelsen Fortuna Hjørringimit isumaqatigiissummik neqeroorfigineqalersoq, timersoqatigiiffiup arsaannerup tungaatigut nutaarsiassaqartitsivimmut uppernarsarpaa.
Danmarkimi pissartaasut Fortuna Hjørring Asii Kleist Berthelsenimik isumaqatigiissummik neqerooruteqalerpoq.
Timersoqatigiiffiup sungiusaasuata Nicklas Hougaardip TV3 Sport-imut uppernarsaavoq:
- Isumaqatigiissutip ukiuni marlunni atuunnissaa neqeroorutigissavarput.
Asii Kleist Berthelsen juullisioriarluni maanna Nunatsinniippoq, Danmarkimut uteruni neqeroorfigineqassasoq ilisimatitsissutigineqarpoq.
Asii Kleist Berthelsen Fortuna Hjørringip førsteholdianut ukiumi matumani unammiffiusumi unammeqataarngaarpoq. Taanna 2018-mi Danmarkimut nuuppoq. 2019-mi U19-mi nunanut allanut unammisartuinut unammeqataarngaarpoq, maanna inuusuttuaqqani pitsaanerpaat akornanni unammisartutut isigineqarpoq.
Asii Kleist Berthelsen Nunatsinni ukioq kingulleq timersullammattut toqqarneqarpoq.