Skip to main content

Aserorterisarneq suli ajornartorsiutaangaatsiartoq

Nunatsinni qaammatini marlunni kingullerni aserorterisoqartaqattaarpoq. Aserorterisimasunik ilisimannittut politiinut nalunaartaqqullugit kommunit marluk maanna kaammattuuteqarput.

Kalaallit Nunaanni Politiit aserorterisoqarsimanera pillugu qaammatini marlussunni kingullerni arlaleriarlutik nalunaarfigitipput.

Innuttaasut suliffeqarfiillu aserorteriffigineqarsimaneq pillugu nalunaarutiginnittarput. Unnuakkullu sila taarsigaangat atuarfiit meeqqeriviillu taakkuukkajupput aserorteriffigineqartut.

LÆS OGSÅ: Politi: Serlersaarillutik pinerluttut amerliartortut

Aserorterisunik ilisimannittuusinnaasut kommuninit marlunnit maanna kaammattorneqalerput.

Kommuneqarfik Sermersuumi atuarfiit meeqqeriviillu igalaavi aserorterneqarsimapput. Ikinnerpaamik atuarfiit pingasut aamma meeqqeriviit marluk igalaajarneqarsimallutik.

- Atuarfinnut taama aserorteriffiusimasunut takkulluni ilinniartitsisunut, atuartunut angajoqqaanullu takusaq tujorminarpoq. Atuartunut sulisunullu atuarfigisaq taama pineqarsimasoq takullugu toqqissisimajunnaarsitsivoq. Kingorna aserornikunik katersineq torersaanerlu nukippassuarnik atuiffiuvoq, atuartitsiniaraluarnerlu pimoorunneqanngitsoorluni, Lone Nukaaraq Møller, Meeqqanut Atuarfeqarnermullu Ingerlatsivimmi pisortaasoq oqarpoq.

Akisuvoq

Qeqqata Kommuniani aamma aserorterisoqartaqattaarpoq. Meeqqerivik Naja/Aleqa annertuumik aserorteriffigineqarsimavoq.

Aserorsimasullu aaqqissuunnissaat kommunimut akisungaatsiarpoq.

- Igalaat taarsersortinneri aningaasarpassuarnik naleqartarput, sulilu taarsigassartaqarlutik. Aningaasat igalaanik taarsersuinermut aammalu eqqiaasitsinermut maannakkumut atukkagut 30.500 kr. angoreerpai. Taakku aningaasat pitsaanerusumik atorneqarsinnaagaluartut iluarsaartuussinernut atortariaqarsimavagut, meeqqerivik Naja/Aleqami pisortaq Martha Lyberth Jensen tusagassiorfinnut nalunaaruteqarluni allappoq.

Igalaat katillugit qulit aserorneqarsimapput, taakkunannga arfinillit kingullermik aserorterisoqarmat igalaajarneqarsimallutik.

Politiinut nalunaaritsi

Kommuneqarfik Sermersuup angajoqqaat kaammattorpai meeqqatik oqaloqatigissagaat unnukkullu sumiittarneri nakkutigissagaat. Innuttaasut aamma kaammattorneqarput atuarfinnik nakkutiginneqqullugit.

Sisimiuni Naja/Aleqami pisortap innuttaasut kaammattorpai aserorterisunik ilisimannikkunik politiinut nalunaaqqullugit:

- Innuttaasut kaammattorusunnaqaat nalunngisaqartillutik tusagaqarsimagaangamilluunniit politiinut saaffiginnittaqqullugit, aningaasammi pitsaanerusumut atorsinnaagaluaratsigit meeqqanut suliffeqarfitsinnullu iluaqutaasussanut, Martha Lyberth Jensen allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER