Arsaattarfimmik pilersitsinissamik takorluugaqaqqittoqalersoq
Siumumit Anders Olsen inuiattut arsaattarfimmik pilersitsisoqarnissaanik siunnersuutaa Naalakkersuisunit 2017-mi itigartinneqarpoq. Maanna pilersinneqarnissaanik siunnersuuteqaqqippoq
- Suliaq taama annertutigisoq pisortanit aningaasalersorneqarsinnaanngilaq, susassaqarfiit allat pisariaqartitsisut aningaasalersornerit allatut tulleriiaartinnagit.
Kultureqarnermut naalakkersuisuusimasoq Doris J. Jensen (S) 2017-mi Anders Olsenip arsaattarfiliortoqarnissaanik siunnersuutaa itigartillugu ilaatigut taama oqaaseqaateqarpoq.
Siunnersuuteqaqqittoq
Inatsisartut ukiaanerani ataatsimiinnissaanni Anders Olsen taanna pillugu siunnersuuteqaqqippoq.
Nunatta inuiattut timersornikkut unammersuartarfissaanik FIFA-p piumasaqaataanut naapertuuttumik pilersitsinerup avataaniit aningaasaliisussarsiuunnissaanut periarfissanik aningaasalersueriaasissatut ilusissamillu misissuisussanik suleqatigiisitamik pilersitseqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut saqqummiutissavaa.
Landskarsi Sermersoorlu
Nunatta landskarsia kiisalu Kommuneqarfik Sermersooq aningaasaleeqataasariaqartut siunnersuutigaa. Arsaattarfiup Nuummiittussaanera pissutaalluni Kommuneqarfik Sermersooq aningaasaleeqataasariaqartoq isumaqarpoq.
- Taakkua marlut avataasigut aningaasaleeqataasinnaasunik pissarsinissaq suleqatigiissitap pingaarnertut ilagilluinnaraat tamatta isumaqatigiissutigisinnaagunarparput, oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...