Skip to main content

Arsaannermi GM: Qeqertarsuarmi ajuunnerpassuit

Angutit arsaannermi GM-qarnissaannut anngunniunnerit aallartipput

Arsaannnermi GM-qarnissaanut Qeqertarsuarmi mellemrunde pingasunngornermi aallartimmat ajuunnerit 17-upput. Nagdlúnguak Ilulissaneersoq aamma siorna sølvinnattut G-44 Qeqertarsuarmeersoq anngunniunnermi aallartilluarput.

Ammaalluni unamminermi Nagdlúnguak aamma T-41 Aasianneersoq unammipput tassanilu Nagdlúnguak 10-0-mik ajugaavoq.

Nagdlúnguak siorna GM-ip naggataarnerani peqataanngilaq arsartumik atorsinnaanngisamik atuisimanerarneqarluni. Maannalu iligiit Nuummi GM-qarnissaanut assut anngukkusupput.

- Iligiinni agguaqatigiisillugu 24-nik ukioqarpugut. Inuusuttortaqarluarpugut aammalu anngunniunnermi aallartilluarput unamminermi arsamik tigummingaatsiarluta, Nagdlúnguup sungiusaasua Ole Brøndlund Sermitsiaq.AG-mut oqaluttuarpoq.

Unamminerup aappaani aamma ajuuttoqarluarpoq tassani G-44 Qeqertarsuarmeersoq I-69-imut Ilulissaneersumut 7-0-mik ajugaammat.

Unamminerit pissanganartut
- Arsartuvut arlallit siorna peqataanngitsut uteqqinikuupput. Kingusissukkut ataatsimuulernitta piareersarnermut kinguaattoorutaanissaa aarleqqutigisimagaluarparput. Qujanartumilli aallartilluarpugut, G-44-mi sungiusaasoq Johan Frederik Zeeb Sermitsiaq.AG-mut oqarpoq.

Kugsak-45 Qasigiannguaneersoq sisamanngornermi ualikkut siullermeerluni unammissaaq. Klubbi taanna ukiorpassuarni GM-mi sunniuteqarluartarpoq.

- Taakku inuusuttunik arsartoqarput. Nagdlúnguarmiut aamma arsartugissaarput. Taamaammat unamminissat tulliuttut pissanganarniarput, Johan Frederik Zeeb oqarpoq.

Sisamanngornermi T-41 Kugsak-45-ut unammissaaq unamminerup aappaani Nagdlúnguak aamma I-69 unammisussaasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER