assit takukkit

Arsaannermi GM: B-67-ip U18-ertai oqaluttuarisaanermut ilannguttut

B-67 Nuummeersoq Uummannami U18-it GM-erneranni pissartanngorput. Assit takukkit

Nunatsinni pissartanngortut B-67
Sølvinnattut K-33
Nunatsinni pissartanngortut B-67 Isak HammondSølvinnattut K-33 Isak HammondNunatsinni pissartanngortut B-67 Isak HammondSølvinnattut K-33 Isak HammondNunatsinni pissartanngortut B-67 Isak HammondSølvinnattut K-33 Isak Hammond

B-67 Nuummeersut ukiut tallimat ingerlatiinnarlugit arsaannermi U18-ini pissartanngorpoq, 2009-milu kingullermik ajorsarlutik. B-67 K-33 Qaqortumeersumut 3-0-mik ajugaavoq. Tallimanngornerup ullaani unammipput.

Unammineq nalunaaqutaq qulinut aallartippoq. Aallartiaarput K-33-imi arsaattartut nalunaaqutaq 14.00 timmisartoqarfimmeereertussaanerat pissutaalluni. B-67-ip arsaanneq aquppaa 3-0-millu ajugaalluni. Pissartanngorniunnermi ataasiaannarlutik isertitsiffigineqarput namminerlu 21-aq isertitsillutik.

Sungiusaasut piukkorissut
Ukiuni arlaqartuni B-67-ip U18-ertai angusarissaartarput. Kingullermik 2009-mi ajorsarput, tassani semifinaalimi ajorsarlutik. Pingasoriarlutik naligiinnikuupput.

- Sungiusaasunik pikkorissunik sullissilluarnitta pissutigisaanik angusarissaartarpugut. Qujanartumik sungiusaasut pitsaasut suleqatiginikuuagut ukiut ingerlanerini, taakkulu pissutaallutik arsaattartugut arsaatillaqqittunngortarput, B-67-ip isikkamik arsaattartut immikkoortoqartarfiani siulittaasoq Christian LaursenSermitsiaq.AG-mut oqarpoq.

U18-it upernaaq futsalimik unammineranni B-67 aamma K-33 finalerput, tassani B-67 aamma ajugaavoq.

Bronzennanniunnerit inissinniunnerlu tallimanngornerup ualinerani ingerlanneqassapput.

Assit ataani takukkit

Powered by Labrador CMS