Skip to main content

Arsaanneq: GM-imut anngunniunnissat inissinneqarput

Isikkamik arsaannermi GM-ertoqassanersoq suli aalajangiunneqanngilaq, taamaattoq maanna anngunniuttoqarnissaa kattuffimmit aalajangerneqarpoq

Arsaattunik nuannarisalinnut nutaarsiassatsialaqarpoq.

Tassami angutit aamma arnat anngunniuttussanngortut arsaattartut kattuffiat KAK facebookimini allappoq.

Sapaatit akunneri pingasut qaangiuppata

- Matumuuna ilisimatitsissutigissavarput angutit sapaatip-akunnerani 29-mi kommunikkaartumik unammiuaassasut unammiuaarnerillu taakku anngunniuffiussasut KAK-mi siulersuisut ippassaq juunip 25-anni aalajangiummassuk, ilisimatitsissutigineqarpoq.

Nuna tamakkerlugu pissartanngorniunnissaq Namminersorlutik Oqartussat nalunaarutaatigut periarfissaalersimassappat angutit sapaatip-akunnerani 33-mi Ilulissani arnallu sapaatip-akunnerani 34-mi Nuummi pissartanngorniuttussanngorlugit siulersuisut aamma aalajangiipput.

- Tamatumunngali tunngatillugu erseqqissaatigissavarput Namminersorlutik Oqartussat nalunaarutaata aggustip aallaqqaataani atorunnaarsinneqarluniluunniit allanngortinneqarneratigut nuna tamakkerlugu pissartanngorniunneq periarfissaalersimassappat angutit arnallu GM-ernissaat aatsaat pisinnaammata, KAK allappoq.

Inuusuttuaqqat unammersuaarnissaat

Ukioq manna meeqqat inuusuttuaqqallu U15-it U18-illu nuna tamakkerlugu pissartanngorniuttussaajunnaartut KAK ilisimatitsivoq.

- Tamatumunnga ilaatigut aaqqissuisutut qinnuteqarsimasut tunuartiternerat, atuarfiit ammaqqinnerisa kingornagut Namminersorlutik Oqartussat nappaatit tunillaassuutinnginnissaannut maleruaqqusaannik malinnittumik arsaattunut ineqartitsinissat ajornartorsiutaalernissaat atuartullu atualereersimanissaat pissutigineqarput, nalunaarutigineqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER