Arsaalluni GM
Arsaalluni GM-ernissamut makitsisoqassaaq
Ullumi ataasinngornermi angutit arsaallutik nunatsinni pissartanngorniunnissaannut, sapaatip akunnerani tullermi Qasigiannguani ingerlanneqartussamut, makitsisoqassaaq
Ullumi ataasinngornermi ualikkut nalunaaqutaq 13.00 angutit arsaalluni nunatsinni pissartanngorniunnissaannut gruppinut makitsisoqassaaq. Pissartanngorniunneq sapaatip akunnerani tullermi aggustip 3-anni Qasigiannguani aallartissaaq.
Ukioq manna angutit arsaallutik pissartanngorniunnissaanni sinerissamit tamarmit klubbit arfineq-pingasut peqataassapput:
- A.T.A. Tunumi Tasiilameersoq
- K-1933 Kujataani Qaqortumeersoq
- B-67 aamma IT-79 Qeqqani Nuummeersut
- T-41 Aasiannit aamma G-44 Qeqertarsuarmit, Diskobugtimeersut
- Malamuk Avannaani Uummannameersoq
- Kiisalu Kugsak 45 Qasigiannguaneersoq, aaqqissuussisutut peqataasoq
Angutit arsaattartut nunanut allanut unammisartut sungiusaasuat Tekle Ghebrelul, ataasinngornermi Kalaallit Nunaanni Timersoqatigiit Kattuffiata Nuummi allaffiani nalunaaqutaq 13.00 makitsinermi makitsisuussaaq.
Angutit arsaalluni nunatsinni pissartanngorniunnerat ataasinngornermi aggustip pingajuanni Qasigiannguani aallartissaq, finalertoqassaarlu arfininngornermi aggustip arfernanni.