Arraa, susoqartoruna?
Ajornartorsiut takkuteqqippoq. Nuummi tuniluunnerup annikillisinneqarnissaa ajornakusoorpoq, politikerillu ilaatigut katersuuttut killilersorneqarnerisigut iliuuseqartariaqalerput. – Kaaviiaartitarpassuit pineqarput, suliffeqarfiit taama oqariartuuteqarput.
Anersaarulunneq.
Nuummi akunnittarfinnik neriniartarfinnillu suliffeqarfiuteqartut sakkortuumik atugaqartut taama qisuariarput, taakku piffissami Covid-19-eqarnerani killilersuiffiusumi ilungersoqqittariaqarput.
Aviisi AG taama allappoq.
Inatsisit malinneqassapput, maannali qanoq akeqassanersoq apeqqutaaginnarpoq.
- Suliffeqarfinnut ajunaarnersuuvoq, Café Esmeraldameersoq Krissie Winberg, aamma Sulisitsisut akunnittarfinnut, neriniartarfinnut takornarialerisunullu ataatsimiititaliaani ilaasortaasoq taama oqarpoq.
Akunnittarfiutilik Helge Tang aamma sakkortuumik sunnerneqarpoq.
- Aamma ataatsimiittarfinni pikkorissaanernilu inuit imminnut ungasillutik issianerannut eqquisussanngornerat naleqqutinngilaq, taanna oqarpoq.
Aviisimi AG-mi atuarnerusinnaavutit. Aviisi uani pissarsiariuk: