Arpanissamut Island Games qaaqqusivoq
Nunarput nunarsuarmi qeqertani annerpaavoq allanillu qeqertarpassuaqarpoq najugaqarfigineqartunik. Qeqertani inoqarfiusuni arpatitsinissamut International Island Games Association (IIAG) juulip aallartinnerani qaaqqusivoq.
Timersuutit assigiinngitsorpassuit qeqertami Guernsey-imi 2020-mi aaqqisorneqartussaagaluarput, coronalu pissutaalluni aaqqissuusat unitsinneqarput. Maannalu Island Games digital atorlugu qeqertani tamalaani unammisitsilerpoq. Innuttaasut kikkulluunniit 5 km arpassinnaavaat juunip pingajuaniit qulingiluaata tungaanut.
Qeqertaq amerlanerpaanik arpatitsisimasoq ajugaasaaq, qeqertamilu oqilanerpaamik toqqaasoqarumaarluni.
- Ilaquttatit kammalaatitillu arpaqatigikkit. Imaasinnaavormi nunarsuarmi qeqertat akornanni amerlanerpaamik arpatitsisusi imaluunniit illit qeqertanni oqilanerpaanngortutit, IIAG-mi aaqqissuisut ilaat oqarpoq.
Peqataaneq ajornaatsoq
App-i RaceOne oqarasuaatinni aassassaq aassavat taavalu toqqagassaq: IIGA JK Challenge toqqarlugu. Toqqareerukku isissutissaq Club allassavat (naqinnerit angisuussapput).
Nunat tamalaat akornanni kattuffiup erseqqissaatigaa app-i aqqutigalugu nalunaarsuineq ataasiaanaq atorneqarsinnaammat. Taamaammat siunertarineqarpoq amerlanerpaat juulip pingajuaniit juulip qulingiluaata tungaanut arpannissaat pisunnissaalluunniit.