Arpallutik kræftertunut katersuipput

Pingasunngormat arpatsitsinermi "Inuuneq pillugu arpagit" Sisimuni innuttaasut nuannaartut, meeqqat, inuusuttut, inersimasut utoqqaallul, peqataapput. Arpaffissat isorartussutsit marluupput, 10 aamma 2,5 kilometerit. 10 kilometerimut arpapput 27-it 2,5 kilometerimullu 75-it arpallutik.
Aamma atuaruk: Ikuala-p 792.747 koruunit katersorpai
Isorartussutsini tamani ajugaasunut Coca Cola akissarsiassaqartitsivoq. Ajugaasut Coca Cola-p nillataartitsiveeraanik pissarsipput, normu 2-ngortut Coca Colap kavaajaanik normu 3-ngortullu Coca Colap tippiinik.
Ikuala fonden katillugit 12.000 koruuninik tunineqarpoq. Pisiffiup pisiniarfia aamma Royal Arctic Line tamarmik 5.000 kr.-nik tunisipput. Qarmaasutut ingerlatsivik Poul Erik Christensen 2.000 koruuninik tunisivoq. Akissarsiat saniatigut peqataasut normuinik makitsisoqarpoq, peqataasunit nuannaarutigineqarluartumik.
IKUALA fonden aningaasaateqarfiuvoq kræftertut ilaqutaasa napparsimasoq ilagalugu Danmarkiliaqataasarnerannut aningaasatigut tapiissuteqartartoq.