Skip to main content

Arnat nunanut allanut unammisartut toqqarneqartut

Kalaallit arnat nunanut allanut unammisartut Norcami unammiuaarnermi Puerto Ricomi qaammatip tulliani pisussami peqataassapput. Sungiusaasup Johannes Grothip peqtaasussat toqqarpai - taakku allaaserisami takukkit

Arnat assammik arsarlutik nunanut allanut unammisartut qaammatip tulliani Norcami Puerto Ricomi unammiuaarnermut peqataassapput, taakku Amerikap nunavittaani pissartanngorniunnernut anngunniunnerupput, taakkulu nunarsuarmi pissartanngorniunnernut anngunniunnerullutik.

Unammiartut Amerikap nunavittaani pissartanngorniunnermut peqataaniarunik minnerpaamik ajugaasut pingajuattut inissittariaqarput, taakku aasaru Canadami pisussaapput.

Naalagaaffik nukittooq peqataaniarunnaartoq
Nunanut allanut unammisartut sungiusaasuata Johannes Grothip unammisartut 16-it toqqarpai, taakku Puerto Ricomi unammiuaarnermut peqataassapput.

Unammisartut ajornannginnerusumik ingerlaqqinnissamut aqqutissaqarput, Mexicomi unammisartut Norcamut peqataaniaratik nalunaarsimammata.

- Mexicop peqataaniarunnaarnera uggornarpoq, unammisartut pitsaasuupput - kisianni unammisartut allat aamma taamaapput. Unammisartut unammereernikuuagut, taamaammat Mexicop peqataaniarunnaarnera ajornaallisitsinngilaq. Peqataasussanut ajugaallutalu ajorsartarnikuuvugut, qilanaarpugut - immaqa tupaallatitsilluta unammiuaarnermi pissartanngorsinnaavugut?, unammisartut siulersortaat Najaaja Anja Lyberth tusagassiuutinut nalunaarummi oqarpoq.

Atuaruk: Najaaja A. Lyberth siulersortaassaaq

Unammisartut pitsanngoriartut
Unammisartut Puerto Ricomi angusarissaarnissaminnut nukissaqarluartut, sungiusaasoq Johannes Groth isumaqarpoq.

- Ajoqusertoqarnikuunngilaq, unammisartut siulianit pitsaanerorpasipput - unammisartullu ukiuni kingullerni pitsanngoriarnikuupput, maanna kalaallit assammik arsartartut pisinnaasaat takutikkiartussavarput, nuannissaqaaq, Johannes Groth oqarpoq.

Arnat nunanut allanut unammisartut marsip 30-anni unammeqqaassapput, tassani Den Dominikanske Republik unammissavaat. Aqaguanilu USA unammissavaat, naggataagullu Puerto Rico unammissallugu.

Apriilip pingajuanni ajugaaniutivinnerit pissapput.

Atuaruk: Anngunniunnissamut piareersarnerit aallartereersut

Unammiartussat uani takukkit:

  • Nivi Fly, GSS
  • Aviaaja Heilmann, GSS
  • Andrea Andreassen, GSS
  • Ulla Kleist, GSS
  • Sara Biilman Egede, Ajax
  • Anja Heilmann, GSS
  • Lykke F. Hansen, GSS
  • Christina V. Lange, Nûk
  • Anja Salsø, Ajax
  • Najaaja A. Lyberth, GSS
  • Kathrine Mikkelsen, Silkeborg Voel
  • Panu P. Grønvold, GSS
  • Mia Egede Rasmussen, Virum Sorgenfri
  • Arnannguaq Steenholdt, GSS
  • Nivi H. Efraimsen, SAK
  • Nivi Berthelsen, GSS
Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER