Skip to main content

Arnat nunanut allanut unammisartut katersortinnerat peqataalluarfigineqarluassaaq

Nunanut allanut unammisartut sungiusaasuata Jakob Andreassenip arnat assammik arsarluni nunanut allanut unammisartut februaarip 5-annit 8-annut 2015 Nuummi katersortippagit ukiorpassuarni siullermeersumik tamangajavimmik peqataassapput

Amerikap Nunavissuani Pissartanngorniunnissat sioqqullugit arnat assammik arsarlutik nunanut allanut unammisartut sungiusaasuata Jakob Andreassenip nunatsinni Danmarkimilu liga-mi unammisartut kakkannerpaat katersortissavai.

Tamanna pissaaq ulluni februaarip 5-annit 8-annut, ukiorpassuarnilu siullermeersumik tamangajavimmik peqataassapput, Kalaallit Nunaanni Assammik Arsartartut Kattuffiat tusagassiorfinnut nalunaarutikkut allappoq.

– Taamatut qaaqqusinikkut sungiusaasoqatigiit unammisartunut tamanut takutikkusuppaat sungiusarneq unammisussatullu toqqagaaneq ataqatigiissuusut, kattuffik allappoq nangillunilu:

– Assammik arsartartut kattuffiata tapersersugaanik Elite Sport Greenlandip piumasaqaatiminik sakkortusitsinerata takutippaa ullumikkut piginnaaasalittut timersortatuunissaminut piumasaqaataasoq takuneqarsinnaasunik angusaqarnissaq, piumasaqaatillu tamakkua naammassineqartariaqarput nunanut allanut unammisartuussagaanni.

Unammisartut pingasut amigaatigai

Nunanut allanut unammisartut sungiusaasuat ajoraluartumik Linda Madsenimit SAK-meersumit isumallunarnartumillu Ivâna Meincke-mit peqataasinnaanatik nalunaarfigineqarsimavoq. Tamatuma saniatigut Stina Nielsenip assammik arsartarnini unitsissimavaa sivisuumik ajoquseqqasimanini pissutigalugu, tusagassiorfinnut nalunaarummi allassimavoq.

Nunanut allanut unammisartut katersortinnissaannut qaaqquneqarsimasut:

Mia Egede Rasmussen, Lyngby HK

Kathrine Mikkelsen, Silkeborg-Voel

Hanna Millek, Ringsted

Karen Lund Fleischer​, NÜK

Panu P. Grønvold, GSS

Najaaja Anja Lyberth, GSS

Arnaq Jensen, SAK

Christina Lange, NUK

Aviaaja Heilmann, GSS

Lykke Frank Hansen, GSS

Rina Møller Lorentzen, Hadsten

Anja Heilmann, SAK

Sofie Lyberth, SAK

Arnannguaq Steenholdt, GSS

Nivi Berthelsen, GSS

Andrea Andreassen, GSS

Maliina Chemnitz, NUK

Laila Berthelsen, Kâgssagssuk

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER