Skip to main content

Arnat futsalimi GM-erneranni timersoqatigiiffiit qulit peqataassapput

Arnat illup iluani isikkamik arsaallutik futsalimi taasagaanni pissartanngorniutissapput ullumi tallimanngornermit allartittumik

Futsalimi ukioq kingulleq arnani pissartanngortut, Nuummit NÛK, Kalaallit Nunaanni futsalimi pissartanngorniunnerit ullumi tallimanngornermi aallartinneqartoq aaqqissuutissavaat. 

GM-imi timersoqatigiiffiit qulit peqataapput, unammisussallu puljenut marlunnut avinneqarnikuullutik. 

Unamminerit siulliit ullumi tallimanngornermi aallartinneqassapput, inissinniunnerit sapaatiuppat ingerlanneqassallutik. 

- Tunumi sila peqqutaalluni ATA pingasunngormat Nuummut tikinngitsoorput, aatsaallu arfininngornermi ullup qeqqata kingorna tikissallutik. Taamaattumillu programi allannguuteqarluni, kisianni aallarniutaasumik unamminnerit tamarmik naammassineqassapput tallimanngornermi arfininngornermilu. Aamma K-1933 sila peqqutingalugu sisamanngornermi Nuummut tikinngitsoorpoq, kisiannili tallimanngorpat ullup qeqqata siorna Nuummut tikissallutik, NÛK-mi siulittaasoq Inuaraq Petersen ilisimatitsivoq. 

Unammisussat takukkit:

Pulje 1:

  • S-68, Sisimiut 
  • Disko-76, Qeqertarsuaq 
  • K-33, Qaqortoq
  • B-67, Nuuk
  • Nagtoralik, Paamiut

Pulje 2:

  • NÛK, Nuuk
  • ATA, Tasiilaq
  • UB-83, Upernavik
  • UB-68, Uummannaq
  • I-69, Ilulissat

Tallimanngornermi unamminissat:

  • Kl.13:00: S 68 - Disko-76       
  • Kl.13:45: K-33 - B-67 
  • Kl.14:30: UB-68 - I-69 
  • Kl.15:15: Disko-76 - K-33 
  • Kl.16:00: NÛK - UB-83
  • Kl.17:30: B-67 - Nagtoralik 
  • Kl.18:15: UB-83 - UB-68 
  • Kl.19:00: NÛK - I-69 
  • Kl.19:45: S 68 - Nagtoralik

Nuup Timersortafiani unamminerit ingerlanneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER