Skip to main content

Arnat Futsalernerat: I-69 nunatsinni pissartanngorpoq

Nunatsinni arnat futsalimi arfininngormat pissartanngorniummata I-69-ikkut Ilulissaneersut Nuummeersunut GSS-imut ajugaangamik pissartarnngorput.

Ilulissani arsaattartoqatigiit I-69 arfininngormat GSS-imut unammigamik arsarluarneroqaat, ajugaaniutivinnermi GSS-imut 5-1-imik ajugaapput, taamalu nunami futsalimi arnat arsaattartuini pitsaanerpaanngorlutik.

Futsalimi nunatsinni pissartarnngorniunnermi unamminerit kingulliit arfininngormat Nuummi ingerlanneqarput. I-69 Ilullissaneersoq GSS-ilu Nuummeersoq ajugaaniutivillutik unammisuupput.

I-69 GSS-imut unammilluaqisumut ajugaallualaavippoq. Oqaatigineqassaarli GSS-imi arsartut assammik arsartartuunerullutik futsalimi unammeqataasimanerat.

Ukioq manna unammilluarnerpaat pitsaanerpaanik arsartullit
Emil Kleemann

Ajugaaniutivinnermi ajugaasut I-69-ikkut ataqatigiilluarlutillu unamillaqqissuupput, taakku målmandiat arsarluarsimaqaaq aamma unammeqataasut allat, soorlu Vaja Simonsen anføriallu Heidi Jensen unamminerni tamani unammilluaqalutillu isaatitsilluarsimapput. 

Normu 5-nngorniunnermi S-68 inuusuttunut NUK U18-inut unammipput,

U18-ikkut arsarluarnerusimapput, 5-2-millu ajugaalluaqalutik.

Bronzinnanniunnermi NUK Uummannameersunut UB-83-ikkunnut unamminermi aqutsisuusimapput.

NUK UB-83-ikkunnut unammilluaqisunut 13-2-mik ajugaavoq. UB-83-ikkut ajoqutigisimavaat målmandi ilanngullugu arfineq-pingasuinnaallutik unammisimanertik. Arfininngormallu arsartoqataat ataaseq ilaasinnaasimanngilaq, taamalu arfineq-marluinnaallutik unammisimallutik.

Qanoq inississimanerisa allattorsimaffianni takukkit ukioq manna arsarluarnerpaaq, teknikeriunerpaat arsarluarnerpaallu. Emma Ellehauge NUK U18-imeersoq pissartanngorniunnermi isaatitsinerpalluni qulinik isertitsisimavoq.

Pissarsiffik NBU
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER