Nunani tamalaani Arnat Ulluat
Arnat atuakkat akornanniipput
Arnat Ulluat pisunnermik, arpannermik oqalugiarnernillu nalliussineqarpoq. Tamanna pivoq Qaqortumi arfininngormat ualikkut
Arfininngormat ualikkut Qaqortumi arnat arpapput. Tassani 3,5 kilometerimut pisuttoqarsinnaallunilu arpattoqarsinnaavoq. Arpanneq pivoq Nunani tamalaani Arnat Ulluat nalliussiniarlugu, Heidi Mortensenillu arpanneq ammarpaa oqalugiarluni.
Poul Hard oqaluttuarpoq arpannermit tuaviinnaq atuakkani atuarniartarfliarsimalluni, tusarsimagamiuk atuakkanik atorniartarfimmi aaqqissuussinermut inuppassuit takkussimasut.
Siulelrmilli arnat pisunnerat arpannerallu: Heidi Mortensen takkuttorpassuarnut takkussimanngitsunut oqalugiarpoq.
– Atuakkanik atorniartarfimmut iserama tupaallaatigaara arnarpassuit pisunut assigiinngitsunut takkussimasut. Aaqqissuisup Erika Nielsen Baadh-ip arnat arfineq-pingasut qaaqqusimavai, nammineq oqalugiarnermi saniatigut sammisat assigiinngitsut pillugit oqalugiartussat. Ilaatigut piffissami kingullermi sexchikane-mik tusagassiorfitsigut oqaluttuarineqartut pillugit, Poul Hard paasissutissiivoq.
Erika Nielsen Baadh-ip saniatigut aamma katersugaasiviup pisortaa Eleonora Jakobsen kulturimik siuammarsaaniarneq pillugu oqalugiarpoq. Tamatuma saniatigut Sofiannguaq Lundip savaatillip nuliatut inuuneq oqaluttuaraa. Ane Møllerip oqaluttuaraa inuusuttuaraalluni kinguaassiuutitigut atornerlunneqarsimanini. Arnat kingulliit sisamat, Naja Lund Kielsenip, Kista P. Isaksenip aammalu Susie Lyngep Katta Berthelsenillu oqaluttuaraat illoqarfimmut inunngorfimmut tarnip pissusianik ilisimasalittut naammasseqqammerluni uterneq, arnaalluni politikeriuneq, isumaginninnermik ilinniarfimmit ilinniartitsisuuneq. Aammalu erinarsuutit misigissutsikkut qanoq attuisartut. Unnussiuaarneq katersortarfimmi naggaserneqarpoq.