VM-imut anngunniunneq
Arnat assammik arsartartut unamminerminni naligiiginnartut
Panamerikami pissartanngorniunnermi kalaallit arnartaat Venezuelamut unammineranni muminnermi isertitanik pingasunik siuaqqagaluarput. Taamaakkaluartoq unamminermi naligiiginnarput
Assammik arsarnermi Panamerikami arnat pissartanngorniunneranni Cubami ingerlanneqartumi kalaallit arnartaat Paraguayimut sisamanngormat unamminerminni 25-18-mik ajorsarput.
Pissartanngorniunnermi kalaallit arnartaat unammersuaarnermi aappassaa unammipput. Tassani Venezuelamut unammipput.
Unamminermi muminnermi kalaallit 13-10-mik siuaqqagaluarput, unamminerulli naammassinerani naligiiginnarput, unammisut tamarmik 26-veraarlutik. Taamaasilluni Kalaallit Nunaat unammersuaarnermi pointi siulleq pissarsiaraat.
Kalaallit arfininngornermi ajugaanissaat naatsorsuutigineqanngilaq, tassami nunarsuarmi pissartaasut Brasilia unammissavaat.
Unammineq nalunaaqutaq 11.00 aallartinneqassaaq.
Kalaallit Nunaata gruppeqataanni angusat:
- USA – Paraguay: 24 – 25
- Puerto Rico – Brasilien: 15 - 35
Gruppe B:
- Chile – Mexico 30 – 24
- Argentina – Guatemala 48 - 6