Arnat assammik arsaattartut: VM-imut anngunniunnermi unammisussat inissipput
Arnat assammik arsaallutik nunanut allanut unammisartut 20-t toqqangaaqqammerput. Taakku Ikastimi sapaatit akunneri tallimat qaangiuppata ataatsimuussapput sungiusaqatigiillutik. VM-imut anngunniunnissat Nuummi aasamut ingerlanneqarnissaannut piareersarneq aallartissinnaanngorpoq.
Arnat assammik arsaallutik nunanut allanut unammisartuinut sungiusaasoq, Anders Friis, unammisartunik 20-nik toqqaaqqammerpoq. Taakku Ikastimi uge 7-mi sungiusaqatigiittussanngorput.
Arnat assammi arsaallutik nunanut allanut unammisartut toqqarneqareernerminni, VM-imut anngunniunnissanut Nuummi 4.-11. juni ingerlanneqartussanut piareersarsinnaanngorput.
- VM-imut anngunniunnissat tungaannut unammillernarnerpaasoq uatsinnut tassaavoq unammisartugut sumiiffinni assigiinngitsuni siaarsimallutik najugaqarnerat. Unammeqatigiilluta sungiusaqatigiinnissatsinnut periarfissaqarnerpaanngilagut, taamaattoq ataatsimoorfigut tamaasa atorluartassavagut, nunanut allanut unammisartunut sungiusaasoq Anders Friis Sermitsiaq.AG-mut oqarpoq.
Uku toqqarneqarput:
Keeper:
- Nivi Fly, GSS
- Maja Motzfeldt-Skovgaard, SAK
- Aviaaja Heilmann, GSS
Fløje:
- Nuunu Marie Lukassen, Neistin
- Anja Heilmann, GSS
- Andrea Heilmann, GSS
- Sascha J.Zeeb, GSS
- Pilunnguaq R.Wille, FIF
Strege:
- Ivaana Holm, GSS
- Nukaaka P.Lyberth, EB
- Ivâna Meincke Afram, FH
- Sandra Rothberg, VIF
Bagspillere:
- Najaaja Anja Lyberth, GSS
- Josefine Gadgaard, Ejstrup-Hærvejen
- Ivalu Bjerge, NSK Håndbold
- Nivi J.Petersen Silkeborg-Voel, KFUM
- Ajaaja Silasen, GSS
- Christina V.Lange, NÛK
- Aili Paneeraq Pedersen, GSS
- Ajla Bibi Knudsen, Ikast Håndbold
Unammeqatigiinnerit pingaaruteqarluinnartut
Ikastimi uge 7-imi katersuunnertik unammisartut sungiusarnermut atussavaat, Danmarkimilu assammik arsaattartunut aamma sungiusaatigalugu unammissallutik. Anders Friisip maanna ilisimatitsissutigisinnaanngilaa kikkut unammineqassanersut, isumaqatigiissutit suli inissinngimmata.
Nunanut allanut unammisartut katersuunneranni Anders Friisip suliassaasa ilagaat unammisartut sapinngisaat periataarsinnaanerallu nalilersussallugit, unammeqatigeeriaatsillu qanoq innersut aamma takussallugit.
- Unammeqatigeeriaatsit atorneqartut nalilersussavakka, anngunniunnissanullu unammeqatigiittussat inissititissallugit. Immitsinnut nassaariniartussaavugut, iluatsilluarsinnaasutullu takusinnaasakka inissititerlugit, Anders Friis oqarpoq.
Taanna ilisimatitsivoq nunanut allanut unammisartut akornanni unammillernartoqalaartoq. Unammisartummi ilaat ajoqusersimapput, ataaserlu ernerlaajulluni. Taakkulu aamma unammersuarnissanut sungiusarluaqqittariaqarput.
- Minutsit sungiusaqatigiiffigisinnaasagut pingaaruteqarluinnarput. Unammersuarnissanut piareersarnerput maanna aallartippoq. Anguniakkani taanna pingaarnersanngorpoq, arnat nunanut allanut unammisartut sungiusaasut Anders Friis Sermitsiaq.AG-mut oqarpoq.