Skip to main content

Arnat assammik arsaattartut USA-mi VM-imut anngunniutissapput

Kalaallit arnat assammik arsaattartui arnat nunarsuaq tamakkerlugu pissartanngorniunnissaannut juunimi anngunniuttussanngorput.

Kalaallit arnat assammik arsaattartui VM-imut peqataanissamut anngunniuttussanngorput.

Anngunniunnerit USA-mi ingerlanneqassapput, coronavirusip tunillaassuunnera aporfiussanngippat, unammisartunut sungiusaasoq Johannes Groth Sermitsiaq.AG-mut ilisimatitsivoq.

Internetikkut attaveqarput

- Coronavirusip tunillaassortinnginnissaanut killilersuutaasut pissutaallutik nunanut allanut unammiartartut naapissanngillat. Taamaammat sungiusarnermi taktikkit periutsillu allat sungiusagassagut internetikkut attaveqarluta oqaloqatigiissutigalugit. Unammisartut namminneq qanoq akisussaassuseqarnerat maanna apeqqutaasorujussuuvoq, akuttunngitsumilli misileraasarpugut, angusat qanoq innersut malinnaavigalugit, oqaluttuarpoq.

Johannes Grothip ilisimavaa unammisartuni Kalaallit Nunaanniuttuni unammerusussuseq amigaataasinnaasoq.

- Oqarsinnaavungali unammisartut Nuummiittut angutinut inuusuttunut arlaleriarlutik unammisimasut, aamma taamatut Ilulissaniittut Sisimiuniittullu, ilisimatitsivoq.

Unammisoqarnissaa neriuutigaa

Kalaallit angutit VM-imut anngunniunnissaat ilisimaneqartutut taamaatinneqarpoq, International Håndbold Forbundimiillu angutit unammisartut USA-meersut anngutsinneqarlutik.

- Tupaallarujussuassaanga VM-imut anngunnissamut inissaq unamminertaqanngitsumik tunniunneqassappat. Naatsorsuutigaara anngunniunnerit unammilluni ingerlanneqassasut. Siusinnerusukkut aalajangiinerit, soorlu angutit VM-imut annguttussat USA sallinngortinneqarnera, ernumalersitsipput. Oqareernittulli naatsorsuutigaara anngunniunnerit unammilluni ingerlanneqassasut, Johannes Groth oqarpoq.

Unammisartut anngunniunnermut anngunnissaminnik anguniagaqarsimapput. 

- Nappaalanersuaqarneranut killilersuutit pissutigalugit piareersarnerit naatsorsuutigisamit allaanerusumik ingerlammata, oqaatigiuminaappoq qanoq inissisimanersugut. Anngunniunnissat qanillippata inissititernerit tulluarsarneroratarsinnaavagut. Suli maannamut naatsorsuutigaara anngunniunnissami unammisassagut anginerit tassaajumaartut Cuba, Puerto Rico aamma USA. Mexico aamma Den Dominikanske Republik tupaallatsitsisinnnaasarput, taamaammat aamma taakku puigussanngilagut, Johannes Groth oqarpoq.

Arnat assammik arsaallutik nunarsuaq tamakkerlugu pissartanngorniunnissai Spaniemi decemberimi ingerlanneqassapput. Kalaallit arnaq assammik arsaattartut VM-imi ataasiarlutik peqataasimapput, tassa 2001-imi.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER