Skip to main content

Arnat aallarnisaasut pillugit atuagaq nutaaq

Aallarnisaasoq ilusilersuisorlu Louise Lynge Berthelsen arnat aallarnisaasut 20-t pillugit elektronikkikkut atuakkioqataasimavoq

Kalaaleq inuussutissarsiortutut namminersortoq, aallarnisaasoq ilusilersuisorlu Louise Bertheselsen tallimanngormat nunat tamalaat Kindelime, Amazon, ataatsimeersuarmata atuakkioqataaffigisimasaminik saqqummerseqataavoq.

Atuakkami pineqarput arnat 20-t aallarnisaasutut suliaqarnerannit oqaluttuat, ilisimasanik avitseqatigiittarneq, isummersuisarneq inuiaqatigiinnullu arnat aggerfigisaminnut tunniusseqqittarnerat allaaserineqarsimapput.

Atuakkatigut attaveqaataasinnaasorpassuit nutaat saqqummiunneqarput, Louise Lynge Berthelsenip neriuutigaa, Kalaallit Nunaanni aallarnisaasut allat taakkunannga iluaquteqarumaartut.

Louise Lynge Berthelsen 2010-mi suliffeqarfik Nuuk Couture aallartikkamiuk aallarnisaasutut aallartippoq, ullumikkut suliassai assigiinngitsorpassuusarput. Ilitsersuisutut suliaqartarsimavoq, oqalugiartarsimalluni, nunarsuarmilu angalasarsimavoq Kalaallit Nunaanni aallarnisaasutut ingerlatsiniarnerup aatsaat aallartilaarnera kulturikkullu oqaluttuassartarpassuavut oqaluttuariniarlugit.

Luoise Lynge Berthelsen ukiuni kingullerni suliniutinut nutaanut arlalinnut peqataasarsimavoq, Nuuk  Couturimullu piffissaqarpallaarsimanani.

- Ajornartorsiut taanna aaqqissutissarsiorlugu suliaqarpunga, Kalaallimmi Nunaanni aallarnisaanerup ineriartortilluarneqarnissaanut peqataaruppunga, tusagassiorfinnut nalunaaruteqarnermini oqarpoq.

Atuagaq taaguuteqartoq ”She did it!” Kindlemi pisiarineqarsinnaavoq. Tunisaqarnermi sinneqartoorutit Afrikami arnat akornanni aallarnisaasarnerup nukittorsarneqarneranut atorneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER