Arnaq toqutsisimasutut tigummigallagassanngortinneqartoq
Arnaq 41-nik ukiulik Tasiilami toqutsisoqarsimaneranut atatillugu ulluni 28-ni tigummigallagassanngortinneqarsimavoq.
Kalaallit Nunaanni Politiit Tasiilami Akitterniittumi inimi angut 48-nik ukiulik toqungasoq nassaarineqarsimasoq pillugu ataasinngornermi ualikkut nalunaarfigineqarput.
Politiit inimi takussutissat tunngavigalugit suliaq toqutsisimasutut misissuiffigineqassasoq aalajangersimapput, arnarlu 41-nik ukiulik tassunga atatillugu tigusarineqarsimalluni.
Eqqartuussivik marlunngornermi aalajangerpoq, arnaq ulluni 28-ni tigummigallarneqassasoq. Toqutisimasutut unnerluutigineqartoq, Kalaallit Nunaanni Politiit attaveqartartuat Fabian Uth Nielsen Sermitsiaq.AG-mut ilisimatitsivoq.
Politiit ilisimatitsissutigaat, arnaq unnerluussummut pinngitsuuneraranilu pisuussuteqarnerarsimanngitsoq. Politiit eqqartuussineq matoqqasumik ingerlanneqarsimammat suliami allanik paasissutissiisinnaannginnerarput.
Politiit aamma suliaq misissuiffigineqarmat, toqusoqarsimaneranut atatillugu qanoq pisoqarsimanera pillugu allanik paasissutissiisinnaannginnerarput.
Fabian Uth Nielsenip oqaluttuaraa, Danmarkimiit kriminalteknikerit suliami teknikkikkut suliaqarnermi ikiuuttussat tikittussaasut. Toqusimasut timaannik misissuisartoq angutip toqungasup timaanik misissuissaaq.