Arnaq sumiiffeerunneqartoq toqungasoq nassaarineqannguatsiarpoq

Arnap kalaallip 58-inik ukiullip januaarip aallartinneranili tammaaneqartup timigingunangaa Aarhusimi arfinnginngormat nassaarineqarsimavoq

Arnap timaa Aarhusip eqqaaniittumi Hjortshøjimi Virup Skovvejimi arfininngormat nassaarineqarpoq. Politiit isumaqarput pinerluttoqarsimanngitsoq.

Ataasinngormat timaa pilallugu misissorneqarpoq, kinarpiaanersorli erseqqissumik oqaatigineqarsinnaanngilaq. Politiilli isumaqarput, kalaaleq arnaq januaarip arfineq-pingajuanni tammaaneqartoq matumani pineqartoq.

- Toqungasup eqqaani pigisat assigiinngitsut nassaarineqarput, taakku naapertorlugit qularutiginngilarput arnaq 58-inik ukiulik nassaarineqartoq. Maannakkulli qularnaatsumik kinaassusersiniarlugu kigutai misissoqqissaarneqassapput misissugassanillu tigusisoqarluni. Pinerliiffigineqarsimaneranik takussutissaqanngilaq, kinaanersorlu paaseriarutsigut politiit suliamik naammassinninnissaat ilimanarpoq, politiinspektøri Michael Kjeldgaard tusagassiorfinnut nalunaaruteqarnermi oqarpoq.

Arnaq arlaleriarluni tusagassiorfiit aqqutigalugit ujaarineqartarsimavoq.

Ilaqutaasut ilisimatinneqareerput.

Powered by Labrador CMS