Arnaq savimmik kapisisoqarnerata kingorna tigummigallagassanngortitaasoq
Aasianni arnaq savilersornikkut toqutseriarsimasutut pasineqarluni eqqartuussivimmit tigummigallassanngortitaavoq.
Annonse
Aasianni eqqartuussiviup arnaq ulluni 26-ni tigummigallagassanngortippaa. Arnaq toqutseriarsimasutut pasineqartoq, Kalaallit Nunaanni Politiini pigaartut pisortaat Mads Lynge paasissutissiivoq.
Tigummigallagassanngortitsineq pivoq arnap politiit paasiniaarnerat naapertorlugu, tallimanngornerup arfininngornerullu akornanni unnuakkut uini savimmik kapisimammagu.
Angut taama pisoqarnerani ajoqusingaatsiarpoq, arfininngornermili ullup-qeqqanut ajoqusersimagaluarluni peqqissutsimigut patajaatsumik inissisimanerarneqarluni.
Pigaartut pisortaat unnerluussutip arnamit qanoq isumaqarfigineqarneranik paasissutissaateqanngilaq.