Skip to main content

Arnaq savilersorsimasoq tigummigallagassanngortinneqartoq

Arnap 31-nik ukiullip nassuerutigaa, angut 45-nik ukiulik Nuummi aqqusinermi savimmik kapisimallugu. Toqutseriarsimannginnerarporli.

Arnaq 31-nik ukiulik Nuummi aqqusinermi angummik 45-nik ukiulimmik kapisisimasutut unnerluunneqarluni pingasunngormat unnukkut tigummigallagassanngortinneqarpoq.

Arnaq sisamanngormat ualikkut eqqartuussivimmut sassartinneqarpoq, eqqartuussivimmiillu aalajangerneqarpoq, arnaq ulluni 28-ni tigummigallarneqassasoq. Politiit attaveqartarnermut immikkoortortaqarfia Sermitsiaq.AG-mut ilisimatitsivoq.

Arnaq toqutseriarsimasutut unnerluunneqarpoq.

Toqutseriarsimannginnerartoq

Politiit naapertorlugit, arnap angut savimmik kapisimallugu nassuerutigisimavaa, toqunnissaali siunertarisimannginnerarlugu.

Pingasunngormat unnukkut qulip qeqqanut savimmik kapisisoqarsimanera nalunaarutigineqarpoq, angut Nuummi Børnehjemsvejip H. J. Rinksvejillu akornanni savimmik kapisineqarsimavoq.

Takunnissimasoq Sermitsiaq.AG-mut oqaluttuarpoq, angut arnamit malersorneqarluni aqqusinermi uppeqqajaasimasoq. Assammi appaatigut illuttulluunniit aanaartoq takusinnaasimavaa, taakkulu marluullutik aalakoorpasittut takusinnaasimallugu.

Pinngortitami qimatat uku ilisarisinnaavigit? Taamaappat Kommuneqarfik Sermersuup tusarfigerusuppaatit

Kommuneqarfik Sermersooq Narsaarsummi avatangiisinik mingutsitsinermut akisussaasunik ujaasivoq, inuillu tuttunniarfittut nuannarineqartumi qimanneqarsimasunik ilisarsisinnaasut...

Paaqqinnittarfiit, AKO-t atuarfiillu matoqqasut nalunaarsorneri

Sapaatip akunnerata kingulliup ingerlanerani illoqarfimmi sullissivinni atuarfinnilu tuniluuttoqarneranik arlaleriarluni nalunaaruteqartoqarpoq. Taamaalilluni klassit paaqqinniffiillu...

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

Seneste Ugeavis

SENESTE NUUK - NYHEDER